martes, 2 abr 2024
A concelleira de Benestar Social, Yolanda Aguiar, participou esta mañá na Día Mundial da concienciación sobre o autismo que se celebra hoxe 2 de abril. O MARCO foi o espazo elixido pola Fundación Menela para promover unha campaña que este ano leva o lema “Autismo certa de ti”. O obxectivo é visibilizar as persoas con Trastorno do Espectro do Autismo (TEA) que están ao noso carón, perseguindo xerar un cambio de actitude na cidadanía que desemboque na comprensión, tolerancia e respecto cara ás persoas con autismo e as súas familias.
martes, 2 abr 2024
O alcalde reuniuse na xornada de hoxe con representantes da Fundación do Secretariado Xitano, que achegaron a súa bandeira ao Concello para proporlle ao rexedor, un ano máis, que ondeara na Casa Consistorial. O día 8 celébrase o Día Internacional do Pobo Xitano, unha xornada na que se reivindica o seu dereito ao recoñecemento e á igualdade. Caballero informou que a bandeira estará xunto ás institucionais o 8 de abril e que a Federación exporá o seu manifesto no próximo pleno do mes de abril.
luns, 25 mar 2024
O alcalde deu conta da publicación das bases para o programa de subvencións para a realización de proxectos de cooperación internacional cun importe de 60.000 euros.
xoves, 21 mar 2024
O Concello súmase á conmemoración do Día Mundial da Síndrome de Down tinguindo de azul e amarelo as fontes de Aragón este xoves 21 de marzo, coincidindo coa data designada polas Nacións Unidas. Nesta xornada, desde Down España reivindican máis oportunidades de emprego para as persoas con Síndrome de Down.
luns, 18 mar 2024
Abel Caballero deu conta das axudas de emerxencia concedidas a familias a semana pasada, compatibles coa RISGA e o Ingreso Mínimo Vital.
xoves, 14 mar 2024
O alcalde expresou a importancia do programa social que deu solución a 163 familias no mes de febreiro. O programa presta un servizo educativo e psicosocial de prevención e apoio personalizado ás familias (especialmente a aquelas que se atopen nunha situación de vulnerabilidade) e a toda a comunidade.
luns, 11 mar 2024
Vigo Inclusivo é un programa de ocio e tempo libre dirixido a persoas con diversidade funcional, a partir dos tres anos de idade. O Concello oferta 35 prazas para realizar actividades culturais e obradoiros durante a Semana Santa “co obxectivo de promover a educación e desenvolvemento así como a conciliación familiar”, dixo o alcalde.
xoves, 7 mar 2024
O alcalde fixo balance do servizo municipal no que a maioría das usuarias son mulleres. Paseos, recados ou acompañamentos ao médicos entre as principais demandas.
mércores, 6 mar 2024
Máis de 80 persoas participaron na primeira edición de formación para fomentar o acceso ao mercado laboral. O novo Centro de Formación e Emprego da Rúa Alta é un centro pioneiro de fomento do emprego e de formación, que ademais supón unha obra de rehabilitación no Casco Histórico. A actuación foi cofinanciada cos fondos europeos de Desenvolvemento Urbano Sostenible e Integrado (DUSI).
xoves, 29 feb 2024
Este xoves, 29 de febreiro, o Concello de Vigo súmase á conmemoración do Día Internacional das Enfermidades Raras coa iluminación en cor verde das Fontes de Aragón. A xornada quere impulsar unha mobilización global que permita posicionar a realidade destas patoloxías na axenda pública e quere poñer o foco na prevención en enfermidades raras a través da investigación, o diagnóstico precoz e o acceso a tratamentos e terapias da prevención a través da investigación.
