O alcalde avanzou este venres que a vindeira semana comezan as actividades de outono en tódalas asociacións e entidades da cidade que traballan con persoas maiores. A inscrición abre o 1 de outubro
No marco do programa "Vigo, Cidade Amiga dos Maiores", o Concello organiza viaxes pola ría durante os meses de setembro e outubro para que as persoas participantes coñezan a súa riqueza natural. Haberá un total de 2.695 prazas para gozar das travesías que teñen unha duración dunha hora e media. Abel Caballero visitou este martes o barco, que parte da Estación Marítima, e saudou ás persoas participantes desexándolles a mellor experiencia a bordo.
O Concello ofrece 2.695 prazas, con reservas para persoas con mobilidade reducida, en barcos con capacidade para 55 pasaxeiros e dotados cun robot de visión submarina.
Abel Caballero deu conta da Comisión de Axudas de Emerxencia celebrada esta semana na que se concederon 105 axudas por valor de case 30.000 euros.
O alcalde achegouse este luns ó barco no que as nenas e nenos e as familias que conforman o programa “Vacacións en paz” partiron a coñecer a riqueza da ría de Vigo.
A achega municipal pasará dos 83.000 aos 120.000 euros nos orzamentos de 2024. O alcalde mantivo unha xuntanza co presidente do Banco de Alimentos de Vigo, Iván Martínez, na que dispuxo toda a colaboración municipal coa entidade social.
Durante os meses de xullo e agosto o Concello programa actividades de balde para maiores en distintas prazas da cidade en horario de mañá de luns a venres.
Abel Caballero saudou este mércores ás arredor de 300 persoas que asistiron á festa de verán do Servizo de Atención a Domicilio do Concello que se celebrou no Hotel Attica 21 en Samil. Música e baile tradicional, maxia, animación e baile foron os ingredientes deste encontro no que as persoas maiores, as súas familias, coidadores e o persoal do servizo se xuntan para compartir unha xornada de festa e diversión.
Na súa intervención durante a clausura da xornada “Talentos” organizada por Inserta Empleo, entidade da Fundación ONCE para a formación e emprego das persoas con discapacidade, Abel Caballero alentou ao empresariado a empregar a persoas con discapacidade nun momento contexto no que a “sociedade é distinta e demanda valores distintos”. Así, sinalou que as empresas deben ser “lugares de encontro transversais” nos que se “abra a transversalidade da sociedade”. No acto de peche participou tamén Mar Medeiros, directora da de RSC da Fundación ONCE.
O alcalde achegouse esta mañá á Porta do Sol para saudar aos máis de trinta e cinco profesionais que forman parte do programa de Coidadores de Barrio. Este servizo, que conta cun orzamento de 610.000 euros, préstase durante todo o ano, en horario de mañá e de tarde. Durante o encontro, Caballero felicitou aos traballadores e traballadoras pola súa labor que vai desde acompañamentos a médicos ou compras ata axudas para a realización de trámites ante as distintas administracións.