As obras de humanización da Praza do Balado supuxeron unha actuación en 720m2 que permitiu aumentar a zona para peóns. Ademais da renovación de redes, luminarias ou pavimentos, o Concello ampliou a zona axardinada mantendo a árbore de gran porte do renovado espazo.
“Demandamos unha facultade de Medicina na Universidade de Vigo e no campus de Vigo e de aí non nos imos mover”, declarou o alcalde, que considera que esta situación en Galicia debe ser única en España.
Abel Caballero lembrou este mércores as xestións e contactos que mantivo nos últimos días co ministro de Xustiza para que a planta xudicial de Vigo conserve os 8 xulgados de instrución e sume un novo en violencia contra a muller, á vez que incidiu na reclamación á Xunta para que atenda a demanda histórica de asumir o financiamento que lle corresponde para implantar gardas de 24 horas nos xulgados.
O vindeiro luns 16 de xuño arrincará o servizo especial de reforzo do transporte público urbano ás praias de Vigo. Estará operativo durante toda a semana ata setembro para facilitar á cidadanía unha alternativa cómoda, segura e sostible ao vehículo privado. “Dez liñas que chegan directamente ás praias”, destacou o alcalde.
As dependencias municipais albergaron esta mañá a presentación do torneo, que se desenvolverá do 13 ao 29 de xuño, en dúas fases: o fútbol sala, de 13 a 22 de xuño, e o fútbol 7 e fútbol 11, do 23 ao 29 de xuño.
As fontes de Aragón ilumínanse mañá 11 de xuño polo Día Internacional da síndrome do KBG. A conmemoración ten como obxectivo concienciar sobre esta enfermidade xenética rara que afecta ao desenvolvemento físico e cognitivo, ademais de reclamar o fomento da investigación e ofrecer apoio ás persoas afectadas e ás súas familias.