O goberno local contratará a seis auxiliares administrativos para axilizar a tramitación das axudas que está a recibir o departamento de Benestar Social. Ademais, o pavillón do Berbés aínda ten camas dispoñibles para as persoas sen fogar.
O alcalde informou este xoves da aprobación definitiva do Plan municipal de prevención e defensa contra os lumes forestais, que incorpora as 29.971 parcelas que delimitan a rede secundaria de xestión da biomasa e teñen que estar libres de maleza. O Concello prevé adicar 300.000 euros anuais á adecuar estes espazos.
Abel Caballero informou este xoves de que o Concello de Vigo construirá un gran paseo entre a rúa Tomás Paredes e Samil ao longo da Avenida de Europa. A nova infraestrutura terá un ancho de sete metros para peóns e bicicletas. Ademais, modifícase tamén a conexión do carril bici coa Vía Verde en Mestre Chané.
Abel Caballero deu conta das inspeccións realizadas polos axentes onte mércores, con 1.074 controis que se saldaron con 38 denuncias. Insistiu o alcalde en que “imos seguir advertindo á cidadanía da importancia do confinamento” na loita contra o coronavirus.
A Xunta de Goberno Local deu luz verde ao proxecto de mellora da rede de saneamento da rúa Jacinto Benavente. Os traballos prolongaranse durante seis meses e contan cun orzamento de 370.000 euros.
Ante o peche das instalacións por mor do estado de alarma, a Biblioteca convida ás súas seguidoras e seguidores nas redes sociais a compartir imaxes deste 2 de abril e de como a literatura rodea as nosas vidas.
Baixo o lema “Podo aprender. Podo traballar” a Fundación Menela convida á cidadanía a reivindicar a educación e o emprego para as persoas con autismo.