É un “esforzo extraordinario” municipal que chega tamén a todas as parroquias, segundo explicou este martes Abel Caballero. O persoal opera con cisternas, sulfatadoras e canóns, con especial atención aos albergues, establecementos de alimentación e centros de saúde.
A comisión de valoración de axudas de emerxencia aprobou onte pola tarde case 500 novas achegas, o que eleva a 2.263 a cifra total entregadas desde que se decretara o estado de alarma. Así mesmo, o Concello segue a repartir 450 menús diarios aos usuarios dos comedores sociais da cidade.
Desde o 16 de marzo, os axentes impuxeron 509 denuncias por incumprimentos do estado de alarma. O alcalde lembra que “temos que estar confinados na casa e saír o menos posible”.