Caballero manterá o próximo luns as primeiras entrevistas da rolda de contactos con sectores e colectivos sociais da cidade, reunións nas que o alcalde explicará o proceder municipal para minimizar o impacto da sentencia do Tribunal Supremo contra unha resolución da Xunta que provocou a anulación do Plan Xeral vigués.
O alcalde de Vigo anunciou o envío, hoxe venres ou como tarde o luns, dun proxecto de lei de Área Metropolitana ao presidente da Xunta de Galicia, Alberto Núñez Feijóo, un texto que contará con modificacións consideradas necesarias tras as reunións mantidas con rexedores do entorno. O obxectivo de Caballero é "desatascar" e levar adiante a Área Metropolitana de Vigo.
Abel Caballero explicou que a Xunta de Goberno Local celebrada este venres deu luz verde ao convenio coa factoría viguesa para fomentar o emprego entre a mocidade, como parte do Plan de Emprego Xuvenil do Concello. Ademais, o goberno de Vigo acordou introducir cláusulas para que os contratistas do Concello teñan que retribuir aos seus traballadores con alomenos o salario fixado no convenio provincial.
O alcalde de Vigo compromeu diálogo e unha relación fluída aos membros do novo comité de empresa do Concello. Así llo trasladou hoxe venres nun encontro no que intercambiaron opinións e no que Caballero lles reiterou a vocación do goberno local de "seguir ao lado dos traballadores do Concello e das concesionarias".
Entre os asuntos abordados este venres na Xunta de Goberno Local, Abel Caballero salientou a aprobación dos plans de seguridade e saúde -último trámite administrativo previo ao inicio das obras- para a construción dunha pista de petanca en Cabral e para a mellora dos recintos deportivos de San Paio de Navia, Fotógrafo Luis Ksado, Praza Mestre Prudencio Rodríguez Dios e Párroco José Otero.
O Recinto Feiral de Vigo acolle dende mañá sábado a tripla exposición "Evolución Humana, idade de xeo e dinosauros", unha das mostras máis grandes sobre esta temática que pasou polos Estados Unidos, París, Lisboa e Edimburgo e agora recala en Vigo, onde permanecerá aberta ata o 14 de febreiro. O evento foi presentado este venres polo Concelleiro de Cultura, Cayetano Rodríguez, quen amosou a vontade do goberno local de "colaborar con iniciativas destas características" e que estivo acompañado de Lucrecia García Fernández, responsable da exposición, quen destacou o perfil didáctico da mostra.
A Concelleria de Xuventude elabora un boletín coas novas de información de interese xuvenil máis destacadas e de maior incidencia local para a mocidade da nosa cidade. Nel incluense noticias sobre EMPREGO, CURSOS, ACTIVIDADES DE OCIO E TEMPO LIBRE, BOLSAS e, en xeral, información de interese para os e as mozos/as de Vigo.
Ponse en coñecemento do público en xeral que por mor das carreiras que se van celebrar os vindeiros días, sábado 5 de decembro e 8 de decembro de 2015, veranse limitadas ao tráfico as seguintes rúas: