mércores, 28 outubro 2015

O alcalde apoia o interese do Instituto de Investigacións Mariñas de trasladarse á ETEA

mércores, 28 out 2015

Abel Caballero cooperará co Instituto de Investigacións Mariñas na súa intención de trasladarse á ETEA e "ser o elemento de arranque da Cidade do Mar. Logo de manter un encontro co novo director, Antonio Figueras, Caballero avanzou que, segundo lle trasladaron, o CSIC xa está a estudar esta petición de traslado que "conta con todo o apoio do Concello porque é moi importante retomar a investigación e o I+D+I".

O Concello mantén o apoio ao Salón do Automóbil de Vigo que se celebra en abril

mércores, 28 out 2015

Abel Caballero reuniuse esta mañá con representantes da organización do Salón do Automóbil de Vigo que no vindeiro mes de abril celebra a súa vixésimo quinta edición. O rexedor felicitou aos responsables do evento polo "magnífico traballo realizado nestes 25 anos" e comprometeuse a "seguir cooperando como sempre fixo o Concello, que ten sido un factor de dinamización do Salón".

Abel Caballero demanda que a Lei da Administración Local considere as características particulares de cada concello

mércores, 28 out 2015

Na inauguración este mércores dun encontro no que interventores e secretarios de municipios de toda España analizan o custo efectivo dos servizos públicos das entidades locais, o alcalde manifestou que a inmensa maioría dos concellos españois queren a derrogación da lei e rexeitan que se aplique ese concepto o vindeiro ano, xa que se descoñece a fórmula para empregalo. Ademais, o rexedor sostén que o cálculo do custo efectivo debe ter en conta as características particulares de cada municipio.