A Corporación Municipal gardou tres minutos de silencio este venres en memoria de María José Rodrígues Fernándes, vítima da violencia de xénero asasinada en Vigo onte. O Concello decretrou tres días de loito oficial e o alcalde manifestou hoxe, no nome da cidade, o rexeitamento rotundo á violencia machista.
O alcalde informou este venres da aprobación por parte da Xunta de Goberno Local dun convenio coa Asociación de Mulleres Progresistas de Vigo polo que recibirán 10.000 euros para financiar o seu labor de intervención coas vítimas da violencia machista e sinalou que o goberno local dedica á loita contra esta violencia máis de medio millón de euros.
"Teñen o noso apoio, as súas razóns son xustas", asegurou Abel Caballero tras unha reunión que mantivo este venres con representantes da flota do cerco. Estes solicitaron a instalación dunha pancarta de apoio co obxectivo de mobilizar a opinión da cidade. O rexedor denunciou a "gravísima situación de risco de perder toda a flota" dos entre 300 e 350 afectados en Vigo polas cotas asignadas.
O alcalde de Vigo, Abel Caballero, asinou este venres o convenio de colaboración do Concello con Conxemar, enmarcado no plan municipal de emprego e segundo o cal o goberno da cidade apoia a celebración en Vigo da Feira Internacional de Produtos do Mar Conxelados<br />
Comunicámoslle a tódolos usuarios dos cemiterios municipais que, por mor da festividade de Tódolos Santos, os devanditos cemiterios permanecerán abertos ininterrompidamente dende as 9,00 ata as 18,30 horas, os días 30 e 31 de outubro e l e 2 de novembro.
Ponse en coñecemento do público en xeral que por mor da obra de mantemento do túnel de Beiramar, lado terra, a realizar pola empresa Ute Esycsa Etra, estará pechado ao tráfico o túnel, lado terra, da rúa BEIRAMAR, o domingo 01/11/2015 dende as 07:30 a 14:00 .Solicítase a máxima colaboración cidadá.
Comunícase que co gallo da celebración da festividade de San Martín de Porres, patrón dos traballadores do Servizo de Recollida de Residuos e Limpeza viaria, a celebrar dende as 6:00 horas<br /> do próximo mercores día 04 de novembro ata as 06:00 horas do xoves 5 de novembro, non se prestará o servizo de recollida de residuos sólidos urbanos nin o de limpeza na cidade de Vigo. Rogámoslles desculpen as molestias que con motivo de dita festividade poidan ocasionarse.