Na Xerencia de Urbanismo deste venres, segundo deu conta hoxe Abel Caballero, o goberno de Vigo adxudicou un novo piso en República Argentina, e eleva case 3 millóns a cifra recadada na poxa das vivendas. En total, o Concello ten case 5 millóns para expropiar os terreos mentres que a Xunta Galicia, encargada de construila, non ten partida orzamentaria, segundo denunciou o alcalde.
Segundo informou Abel Caballero, a Xunta de Goberno Local deu luz verde aos programas de calidade dos traballos de humanización que o Concello ultima en Gregorio Espino e en Gerona, ambos nas súas primeiras fases e cun investimento conxunto superior ao medio millón de euros.
No transcurso dunha reunión coa dirección da Fundación, o alcalde certificou a cesión gratuíta dun local na rúa Palencia por 15 anos, para que leven adiante os seus proxectos artísticos para persoas con discapacidade intelectual. Ademais, a Xunta de Goberno Local aprobou este venres un convenio de 15.000 euros de apoio á súa actividade. "Non hai en toda Galicia unha Fundación destas características e queremos estar ao seu lado", asegurou Abel Caballero.
Unha vez máis, o MARCO súmase a celebración do Día Internacional dos Museos e ofrece unha programación especial na fin de semana do 15 e 17 de maio, con actividades para públicos de todas as idades, xunto coas exposicións que nesas datas se exhiben en salas.<br />
Museo Etnográfico de Vigo oferta, co gallo da celebración do Día das Letras Galegas e do Día Internacional dos Museos, a súa semana de portas abertas con entrada de balde, do 12 ao 18 de maio.<br />