O alcalde de Vigo informou este luns do calendario de traballo estimado nas obras de humanización da terceira fase da Avenida das Camelias e de Rosalía de Castro. Segundo indicou Caballero, a reforma da primeira finalizará a mediados de maio mentres que remodelación da segundo estará concluída a finais do próximo mes.
O alcalde comprometeuse este luns durante o Pleno da Corporación a manter os postos de traballo das escolas infantís municipais no novo contrato de xestión: "teñan a tranquilidade de que isto se vai resolver", afirmou Caballero. A unha moción do BNG, o goberno de Vigo engadiu a "vontade política de prever a subrogación de persoal" nos pregos "dentro do máis estrito respecto á legalidade". O texto saíu adiante coa unanimidade dos concelleiros.
A moción do grupo de goberno saíu adiante este luns co apoio nacionalista e a oposición do PP, solicitando da Xunta de Galicia a eliminación do canon da auga e a invertir aquí o cobrado na cidade en anos anteriores por este concepto. Ademais, a Corporación reprobou a "actitude sectaria e discriminatoria da Xunta na súa política de subvencións" a entidades viguesas, particularmente culturais.
O Pleno da Corporacion celebrado este luns acordou por unanimidade, a proposta do PP, solicitar un plan de transporte, consensuado coas asociacións de veciños e axentes sociais da cidade, que dea cobertura a todas as parroquias e barrios para a súa conexión co novo hospital de Vigo.
A profesora da Universidade de Vigo Ana Ulla Miguel, será a encargada de ultima charla do ciclo "Galegas na Ciencia" que organiza a Concellería de Igualdade no Centro de Documentación e Recursos Feministas. A charla seá o martes, 28 de abril ás 19:00 horas.<br /> <br /> <br />