O alcalde visitou este venres a praza no Paseo Paz Andrade, xunto á igrexa de Bouzas, unha vez concluída a reforma efectuada polo Concello cun investimento próximo aos 300.000 euros. Caballero salientou que a renovación deste espazo permitiu gañar 400 metros cadrados da praia.
A Xerencia de Urbanismo aprobou as bases da convocatoria para adxudicar dúas vivendas municipais en Teixugueiras (Navia) en réxime de aluguer. Estes dous pisos salen de novo a concurso unha vez que quedaron desertos no Programa de Realoxo de Desafiuzados polo que se cederon outras cinco vivendas.
A reforma afectará ao treito comprendido entre o número 106 de Areal e a confluencia coa rúa Miragaia, segundo explicou este venres Caballero. A Xunta de Goberno Local aprobou o proxecto dunha obra que se acometerá en dous meses cun orzamento de 60.000 euros.
A Gran Gala do Deporte de Vigo e a súa comarca, que na súa décimo-quinta edición premia aos e ás mellores de 2013, terá lugar o xoves 20 de marzo ás 20,00 horas no Centro Cultural Novacaixagalicia. Este ano o evento contará cunha actuación da Escola de Arte Dramático.
Este venres, o alcalde participou na presentación da segunda edición da Exposición Plural das Artes, organizado polo Conservatorio Superior de Música, co patrocinio de NovaGalicia Banco e o Concello de Vigo. Do 24 de marzo ao 9 de abril, e con entrada gratuíta, Vigo acollerá máis de 15 estreas en representacións musicais, de danza e instalacións.
O Consello Municipal da Muller e a Concellería de Igualdade entregarán mañá o II Premio de igualdade Ernestina Otero á xinecóloga Isabel Blanco. O galardón será entragado no transucurso dunha cea organizada no hotel Coia.
O Concello de Vigo organiza o 50 Concurso Exposición Internacional da Camelia, que terá lugar os días 15,16 e 17 de marzo nas instalacións do Auditorio Pazo de Congresos Mar de Vigo. A esta exposición-concurso preséntanse flores pertencentes a calquera especie e variedade da camelia así como calquera híbrido destas.<br />
O Auditorio Pazo de Congresos Mar de Vigo reunirá o domingo 16 de marzo o " 7º Encuentro Nacional PALILLEIRAS Ciudad de Vigo" con máis de 500 artesáns do encaixe de bolillos. O encontro está organizado pola Asociación Arte y Filigrana e conta coa colaboración do Concello de Vigo.
A Concellería de Cultura e Festas colabora unha vez máis co Festival Alternativo das artes escénicas ALT'14, que terá lugar do 13 ao 16 de marzo, en distintos espazos de xestión municipal: auditorio municipal do Concello, Casa das Artes e salón de actos do MARCO. O festival está organizado pola Asociación Cultural Noescafé Teatro e cumpre trece anos dende o seu nacemento, contando co apoio municipal de forma ininterrumpida.
Este venres, 14 de marzo, ás 20:00 h, a Fundación Laxeiro (r/ Policarpo Sanz, 15, 3º andar) inaugura a exposición "Arturo Souto, nove óleos sobre lenzo", en colaboración coa Galería Montenegro, e que supón a segunda entrega do ciclo Os Novos.