Entidades sen ánimo de lucro de Vigo poderán acceder a subvencións para o fomento de emprego, unha iniciativa á que o Concello adica preto de 1,5 millóns de euros. Ese foi un dos asuntos aprobados na Xunta de Goberno local deste venres, na que tamén se adxudicou a contratación do servizo de mantemento e reparación dos contedores soterrados, por un importe de 101.757,03 euros.
O alcalde de Vigo presentou este venres a programación da festa da Reconquista, que se celebrará os próximos 6 e 7 de abril. Máis de 30 grupos animarán nas dúas xornadas as rúas do Casco Vello, que acollerán a representación teatral da Reconquista o domingo, as 18 horas.
Abel Caballero reiterou hoxe venres a vontade de diálogo do Concello para buscar acordos respecto as taxas polo uso do túnel de Beiramar, propoñendo un encontro entre a directora da Autoridade Portuaria e o concelleiro de Fomento. Tal e como explicou o rexedor, a Xunta de Goberno Local deu conta hoxe luns do recurso de reposición contra estas liquidacións realizadas polo organismo portuario.
Coincidindo co Día Mundial da Auga, Abel Caballero e os responsables da concesionaria da auga entregaron este venres os premios do Concurso Internacional de Debuxo Infantil, no que participaron máis de 1.000 escolares de 28 colexios da cidade.
A Xunta de Goberno Local, na sesión ordinaria do 22 de febreiro de 2013, adoptou o seguinte acordo: Aprobar as Bases e a Convocatoria para a concesión de subvencións a entidades deportivas de Vigo en relación á súa actividade deportiva da tempada 2012/2013 (BOP 11 de marzo de 2013), e a tal fin destina no seu orzamento do ano 2013 con cargo á partida orzamentaria 3410.489.00.00 "Subvencións a clubs e entidades sen fin de lucro, un importe total de 600.000,00 euros (seis centos mil euros).