O alcalde acudiu este martes ao colexio Párroco Don Camilo, un dos tres centros vigueses participantes nesta iniciativa -vencellada ás Smart Cities- que ten como obxectivo reducir un 20% o gasto enerxético. O proxecto desenvólvese en Vigo e en Nantes e as conclusións do experimento serán distribuidas en Europa.
Dous mil escolares vivirán o atletismo de campo a través dende este mes ata outubro, co programa de cross escolar baixo o paraugas da Agrupación de Atletismo Escolar Xóvenes Atletas, que preside Belarmino Alonso.
Este mércores, 20 de marzo, comeza a oita edición do Festival Coral de Música Sacra, organizado pola Asociación de Corais polifónicas de Vigo (ACOPOVI), en colaboración coa Concellería de Cultura e Festas. O festival contará cun total de trece concertos en diversos espazos da cidade e ata o 30 de marzo.
Victoria Quivén comentará o libro " Diario de una buena vecina"" de Doris Lessing durante a sesión dos "Cafés Literarios" que terá lugar o mércores 20 de marzo de 18:00 a 20:00 horas no Centro de Documentación da rúa Joaquín Yáñez 6,2º andar. O club de lectura do Centro de Documentación e Recursos Feministas está formado por un grupo de persoas animadas polo gusto á lectura.