O alcalde de Vigo aproveitou hoxe xoves unha visita á humanización da rúa Carballal, en Cabral, para facer balance das actuacións que a Concellería de Fomento realizou no rural desde o ano 2008. Resaltou que o investimento nas parroquias, de case 35 millóns de euros, foi maior nos últimos cinco anos que nos 50 anos anteriores.
FamiliArte chegará ao Auditorio do Concello na tarde do sábado, 16 de febreiro, con actuacións de Fon Román e Cé Orquestra Pantasma, ademais de obradoiros de radio de drawdios -un xoguete para debuxar música cun lapis-, co obxectivo de crear unha experiencia interactiva para pais e fillos coa música como fío condutor.
Abel Caballero garantiu o respaldo do Concello de Vigo na celebración na cidade das sextas Xornadas de Xuntas de Goberno dos Ilustres Colexios de Avogados de España, que terán lugar do 26 ao 28 de xuño. A organización agarda a asistencia de unhas 750 persoas durante os tres días do evento.
A Sala de exposicións de Artes e Oficios acolle do 8 de febreiro ao 22 de marzo de 2013 unha mostra baixo o título 100x100 Coiro, que exhíbe o pasado e o presente das ensinanzas deste oficio artesán na Escola viguesa, e tamén o futuro dos traballos en coiro, coa achega de obras de artesáns españois e internacionais que conxugan tradición e innovación.<br />