A Xunta de Goberno Local deu este venres luz verde á contratación da urbanización da rúa Severino Cobas, composta por tres fases que iniciaranse ao mesmo tempo cun orzamento de 3,5 millóns. Abel Caballero tamén informou do acordo adoptado polo goberno de Vigo que permite a apertura do aparcadoiro soterrado de Areal e da humanización en superficie.
O alcalde de Vigo, Abel Caballero, anunciou hoxe venres a contratación en Xunta de Goberno Local dunha nova escola infantil municipal en Martínez Garrido 29, para o que o Concello adica 300.000 euros. Trátase do segundo centro infantil contratado polo goberno nunha semana, tras o aprobado o pasado venres para Navia. O rexedor recordou que as escolas de Tomás Alonso e Casiano Martínez están "a punto de abrir".
Abel Caballero avanzou hoxe venres que a Vigo Convention Bureau será a institución que lidere a promoción aeroportuaria do Concello de Vigo. Precisou que o obxectivo é potenciar voos peninsulares, ás illas, ademais de manter París e Londres, "coa idea de poder facturar desde Vigo a calquera destiño a través do aeroporto de Heathrow".
O Goberno municipal, co alcalde á cabeza, recibiu esta tarde ao ministro de Xustiza, Francisco Caamaño, nun encontro no que se fixo un repaso as dotacións xudiciais da cidade. O rexedor "agradeceu" ao membro do Goberno de España a súa implicación coa cidade lembrando a posta en marcha de reinvindicacións históricas en Vigo como o Xuzgado e o Rexistro Mercantil.
Esta fin de semana remata a primera fase do taller de horta urbana da Concellería de Xuventude. Trátase dunha iniciativa que se ven desenvolvendo durante este ano dirixido á mocidade de Vigo.<br />
Comunícase a tódolos usuarios dos cemiterios municipais que, por mor da festividade de Tódolos Santos, os devanditos cemiterios permanecerán abertos ininterrumpidamente dende as 9,00 ata as 18,30 horas, os días 29, 30 e 31 de outubro e l e 2 de novembro.