Xornal Vigo

luns, 11 abril 2011

Medio Ambiente

Caballero visitou a zona de corentena e os recintos para lobos, bóvidos e herbívoros de VigoZoo

O alcalde de Vigo -xunto á concelleira de Medioambiente, Chus Lago- visitou este luns o parque de VigoZoo, en particular as últimas instalacións en entrar en funcionamento: a zona de corentena, o espazo para os lobos e o recinto de bóvidos e herbívoros. Nestas tres melloras, o Concello investiu 370.000 euros. Caballero amosouse "satisfeito da actuación no zoo", que "cumpre ben o seu cometido" e subliñou o papel de recuperador de especies para a natureza.

Muller

Igualdade destina 36.000 euros á renovación dos convenios coa Rede de Mulleres Veciñais contra os Malos Tratos e Dorn

luns, 11 abr 2011

A concelleira de Igualdade, Iolanda Veloso, asinou este luns a renovación dos convenios de colaboración coa Rede de Mulleres Veciñais contra os Malos Tratos e Dorna, entidades ás que se destinan un total de 36.000 euros. A concelleira nacionalista destacou a importancia de "manter o compromiso do Concello de Vigo coas asociacións que prestan o seu apoio ás mulleres", especialmente nun momento de crise como o actual.

Medio Ambiente

Preto de 600 persoas participaron esta fin de semana en actividades da Concellería de Medioambiente

luns, 11 abr 2011

As rutas do "Camiño a Camiño" viaxaron ao Morrazo e a Cova do Rei Cintolo. O programa segue a recoller éxitos cunha participación masiva nas rutas previstas pola concellería da socialista Chus Lago. O zoolóxico vigués acolleu esta fin de semana un curso de conservación no que participaron 50 persoas.

Cultura

O Auditorio Municipal acolle mañá martes o XV Festival dos Reencontros, gratuíto ata completar o aforo

luns, 11 abr 2011

O Auditorio Municipal continúa mañá, 12 de abril, coa programación estable de artes escénicas que organiza a Concellería de Cultura e Animación Sociocultural. Trátase do XV Festival dos Reencontros, que a partir das 20.30 horas terá lugar baixo a dirección de Wenceslao Cabezas, Polo. A asistencia a este espectáculo é gratuíta ata completar o aforo.

Alcaldía

O alcalde participou esta fin de semana na presentación do libro "Cabral, olladas do pasado"

Cabral mira ao pasado coa presentación do libro que escolma 500 fotografías do último século

luns, 11 abr 2011

Xosé Manuel Álvarez Estévez achega un novo traballo de investigación, a través das imaxes, onde afloran escenas da vida cotiá desta parroquia. O libro é unha ferramenta ilustrativa composta por 500 fotografías do século pasado a través dun percorrido de 360 páxinas.