mércores, 13 abril 2011

Caballero salienta o "asfaltado masivo" que está a levar o Concello en 35 quilómetros de rúas "por todo o ámbito municipal"

Abel Caballero recordou que o goberno municipal está a levar adiante un "asfaltado masivo" de rúas por todo Vigo para o que está a investir tres millóns de euros. Este proceso, o "máis importante" feito nunca na cidade, iniciouse o pasado 24 de febreiro e o alcalde adiantou que prologarase dous meses ata a finalización das máis de 100 actuacións proxectadas. O obxectivo municipal é deixar a rede viaria viguesa "nas mellores condicións posibles".

O alcalde amósase "moi satisfeito" do compromiso adquirido por Fomento ofrecendo "as datas de licitación" do AVE por Cerdedo

mércores, 13 abr 2011

Abel Caballero recoñeceu este mércores ao ministro de Fomento, José Blanco, o compromiso adquirido onte en Ourense de licitar o próximo ano o traxecto de AVE que unirá directamente Vigo e a capital das Burgas por Cerdedo, unha vez estean rematados os proxectos básicos que actualmente redáctanse. O alcalde amosouse "satisfeito" da garantía dada por Fomento nun "tema moi serio" como a conexión directa de Vigo a Madrid en Alta Velocidade ferroviaria.

Santi Domínguez di que o Racingshow, que será o 30 de abril no Ifevi, consolídase como escaparate dos pilotos galegos

mércores, 13 abr 2011

O tenente de alcalde, Santi Domínguez, presentou este mércores a quinta edición do Racingshow Novacaixagalicia, que se celebrará o 30 de abril no Ifevi. O nacionalista destacou que o evento reunirá a grandes figuras internacionais de rally, así como aos mellores pilotos galegos, de xeito que se consolida "como un escaparate para os nosos pilotos". Salientou tamén que nesta quinta edición o certame fai unha rebaixa nos seus prezos, para facilitar a asistencia de todos os públicos.

Abel Caballero anima á cidadanía viguesa a apoiar ao Celta Indoor no encontro "clave" deste venres contra o Valladolid

mércores, 13 abr 2011

O partido disputarase o próximo venres ás 20:45 horas no Pavillón das Travesas, con entradas a 3 euros, un encontro clave nas opcións dos celestes de acceder aos cuartos de final da Liga Nacional de Fútbol Indoor 2011. O alcalde e xogadores como Gudelj ou Ratkovic solicitaron o respaldo dos afeccionados nesta "importante" cita para o futuro do equipo na competición.

Xesus López destaca que o Festival de Música Sacra que comeza o xoves integra 16 concertos de 19 corais viguesas

mércores, 13 abr 2011

O concelleiro de Cultura, Xesus López, presentou este mércores a sexta edición do Festival Coral de Música Sacra que, do 14 ao 20 de abril, terá lugar en distintos espazos da cidade. Xesus López destacou que nestas datas próximas á Semana Santa terán lugar un total de 16 concertos interpretados por 19 corais de Vigo. A primeira das actuacións programadas será este xoves ás 19.45 horas na igrexa da Soledad no Castro, a cargo do Coro Clásico de Vigo.