xoves, 16 decembro 2010

O alcalde inaugura a humanización da rúa Espedrigada, en Balaídos, con 350.000 euros de investimento

Abel Caballero e a senadora pola provincia, Carmela Silva, antiga veciña da rúa, inauguraron hoxe xoves cos veciños á reforma da Espedrigada, en Balaídos, onde o Concello investíu case 350.000 euros na pavimentación, renovación do abastecemento e construción dunha beirarrúa. O alcalde recordou que "en Vigo, todos os cidadáns son iguais" e reiterou a "vontade" municipal de "seguir humanizando todas as zonas da cidade".

1292507496espedrigada.jpg
1292507525martincodax.jpg

Caballero garante a cooperación municipal para ampliar o colexio Martín Códax

xoves, 16 dec 2010

O alcalde de Vigo e o concelleiro de Urbanismo, José Mariño, entrevistáronse coa directiva do colexio Martín Códax este xoves para abordar conxuntamente o proxecto do centro educativo de ampliar as súas instalacións, proposta que Abel Caballero ve "con bos ollos". O rexedor vigués reiterou que "a educación é un elemento central na nosa forma de entender Vigo".

1292507677Alta.jpg

O tenente de alcalde inaugurou a rúa Alta, unha das 37 nas que se actuou en dous anos para rehabilitar o Casco Vello

xoves, 16 dec 2010

O tenente de alcalde, Santi Domínguez, inaugurou este xoves a remodelación da rúa Alta, unha das 37 nas que se actuou nestes dous últimos anos dentro do proceso de rehabilitación do Casco Vello. O nacionalista destacou que coa reforma deste vial vertebrador da parte baixa do Casco Vello pódese comprobar que a transformación do barrio histórico de Vigo era un "obxectivo prioritario" e que é un feito o compromiso que adquiriu na súa recuparación.

1292507728Nadal.JPG

Santi Domínguez presenta as actividades de Nadal e avanza que a Cabalgata recupera o percorrido polo centro

xoves, 16 dec 2010

O tenente de alcalde, Santi Domínguez, e o concelleiro de Cultura, Xesus López, presentaron este xoves as actividades do programa Nadal 2010. Segundo destacou Santi Domínguez, e unha programación que ten por obxectivo "abranguer todas as idades e posibilitar que os nenos e nenas gocen no seu tempo de vacacións". Ás actividades culminarán o día 5 de xaneiro coa Cabalgata de Reis, que recuperará o percorrido dende García Barbón á Porta do Sol.

Concertos, parker, obradoiros, skate e proxeccións abren mañá venres no Náutico a segunda edición das xornadas Moceando

xoves, 16 dec 2010

A segunda edición das xornadas Moceando, organizadas pola Concellería de Xuventude, comezan mañá 17 de decembro ás 17 horas nunha carpa instalada fronte ao Náutico. As actividades propostas inclúen actividades variadas como concertos, obradoiros, exhibición de grafitti, parker, skate e proxección de traballos co obxectivo de dar a coñecer o que fai a mocidade no seu tempo de lecer.

Mañá venres inaugúrase na Casa das Artes a mostra "A breve verba", organizada polas concellerías de Cultura de Vigo e A Coruña

xoves, 16 dec 2010

A Casa das Artes acolle dende mañá e ata o 23 de xaneiro a exposición "A breve verba", foito do traballo conxunto entre as concellerías de Cultura de Vigo e A Coruña, segundo explicou hoxe o concelleiro Xesus López. Nesta mosta de arte contemporánea, comisariada por David Barro, poderanse ver 58 obras dos artistas galegos Almudena Fernández Fariña, Bosco Caride, Tatiana Medal e Xurxo Gómez-Chao.

A comedia volve mañá venres ao Auditorio Municipal coa obra "After Play", da compañía Teatro do Atlántico

xoves, 16 dec 2010

O Auditorio Municipal acolle mañá venres, 17 de decembro, unha nova obra do teatro incluída na programación estable de artes escénicas que organiza a Concellería de Cultura e Animación Sociocultural. Trátase da comedia "Afterplay", destinada ao público adulto, que a compañía Teatro do Atlántico representará ás 21 horas. O prezo das entradas é de 7 euros e pódense adquirir na web www.laboleteria.es ou na propia taquilla unha hora antes do comezo do espectáculo.