martes, 2 nov 2010
O alcalde, tras reunirse coa Federación de Pais e Nais de Alumnos, avanzou que os orzamentos municipais de 2011 recollen "un incremento do 25%" das partidas dirixidas a subvencionar o comedor escolar para os estudantes vigueses que o precisen, acadando os 620.000 euros. Caballero asegurou que o pasado curso o Concello concedeu 1.700 bolsas e esixiu á Xunta de Galicia que acometa as ampliacións de comedores comprometidas para poder incrementar esa cifra.
martes, 2 nov 2010
O tenente de alcalde, Santi Domínguez, e a concelleira de Xuventude, Iolanda Veloso, presentaron este martes a primeira edición do Festival Internacional de Curtametraxes, Curtopía, que se celebrará en diferentes espazos de Vigo ata o 28 de novembro. Na presentación, na que tamén participou o director do festiva, Alfonso Vázquez, o nacionalista salientou a calidade e a internacionalidade dos 300 traballos presentados ao certame, dos que finalmente foron seleccionados 30 para participar na sección oficial.
martes, 2 nov 2010
O alcalde de Vigo asinou este martes a orde do día do próximo Consello da Xerencia municipal de Urbanismo que ratificará a licenza concedida polo Concello ás mais de 300 novas vivendas públicas do barrio de Navia. Caballero explicou que o pasado venres os técnicos municipais certificaron a finalización das vivendas de Teixugueiras 15 e hoxe, "nun día", xa foi concedido o permiso para ser ocupados os pisos de protección.
martes, 2 nov 2010
Abel Caballero destacou a necesidade de fomentar a educación ambiental a través deste recurso didáctico de aprendizaxe nos centros escolares de educación primaria da cidade. A Xunta de Goberno aprobou tamén unha subvención para a ASCD Monte da Mina e outorgar outra axuda a asociacións viguesas para fomentar o asociacionismo e a participación cidadá.
martes, 2 nov 2010
A Escola Municipal de Danza comezou o novo curso con case 300 alumnos e alumnas, o que supón un incremento do 11% respecto ás persoas matriculadas no curso anterior. Ademais, segundo informa a Concellería de Cultura e Animación Sociocultural, o incremento da demanda permitiu implantar un novo grupo de percusión.
martes, 2 nov 2010
O alcalde, Abel Caballero, e o Valedor do Cidadá, Luis Espada, presentaron este martes "A accesibilidade aos servizos básicos", un traballo dirixido polo Valedor que analiza as facilidades que ten o cidadá a 300 metros. Con respecto a 2003, Vigo mellora en espazos deportivos, entidades financeiras transporte público e reciclaxe, e os dous últimos indicadores tamén superan a media europea.
