xoves, 4 novembro 2010
Enviarase á Xunta de Galicia e aos grupos políticos para o seu debate e solicitaráse a súa tramitación no Parlamento coma proxecto de lei

Caballero presenta un proxecto de lei de área metropolitana "viable", "financiable" e "adaptado á realidade"

A proposta abrangue un area de 14 municipios integrada por Baiona, Nigrán, Gondomar, Fornelos de Montes, Redondela, Pazos de Borbén, Soutomaior, Cangas, Moaña, Mos, O Porriño, Salceda de Caselas, Salvaterra de Miño e Vigo.Prevé o máximo teito competencial superando "folgadamente" as competencias propostas polo proxecto do ano 2005 ou as xa existentes na Área Metropolitana de Barcelona. O seu financiamento parte do principio "irrenunciable" de non ter ningún custo adicional para os cidadáns da área metropolitana.

1288879258area.jpg
1288878313023.jpg

Caballero establecerá contactos con entidades da cidade para recabar "apoios para o aeroporto de Vigo"

xoves, 4 nov 2010

O alcalde de Vigo anunciou este xoves que o próximo luns iniciará unha rolda de contactos con axentes sociais da urbe para conseguir "apoios para o aeroporto de Vigo na súa competencia con Oporto". Esta decisión nace días despois de que Peinador perda as súas conexións internacionais subvencionadas pola Xunta, que pola contra continúan en Coruña e Santiago.

1288877972Castelo.JPG

Santi Domínguez di na inauguración da reforma da Subida ao Castelo que a recuperación do Casco Vello "é xa realidade"

xoves, 4 nov 2010

O tenente de alcalde, Santi Domínguez, inaugurou este xoves a reforma da Subida ao Castelo e a súa extensión cara a rúa Hortas, que permitirá que a recuperación da superficie do Casco Vello remate antes do previsto. Segundo destacou o nacionalista, con esta actuación, que supuxo un investimento de 184.000 euros nunha superficie total de 460 metros cadrados, a recuperación do entramado viario do barrio histórico iniciado hai tres anos "é xa unha realidade" e seguirase traballando na rehabilitación de inmobles.

1288878749electrico.jpg

O alcalde consegue o apoio de RACE e Rede Eléctrica de España ao proxecto vigués de cidade piloto do coche eléctrico

xoves, 4 nov 2010

Abel Caballero mantivo este xoves unha reunión con directivos do Real Automóbil Club de España e de Rede Eléctrica de España dos que "temos todo o seu apoio" para a consolidación de Vigo como cidade piloto do coche eléctrico. Segundo avanzou, en febreiro montarán un stand de "presentación e demostración" do emprego do vehículo eléctrico, sendo Vigo unha das oito urbes estatais elexidas para este proxecto.

1288878278povisa.jpg

O alcalde transmitirá aos traballadores o "apoio" municipal e a súa "enorme preocupación" por un ERE en POVISA

xoves, 4 nov 2010

Abel Caballero anunciou hoxe xoves unha reunión para mañá co Comité de Empresa de POVISA, unha vez coñecido que o SERGAS non renovou o concerto co centro sanitario vigués. "POVISA está a suplir a carencia sanitaria pública histórica deste territorio", indicou o rexedor, que amosou a súa "preocupación" porque esta decisión deixe sen traballo a 1.000 profesionais e merme a "calidade sanitaria" da área viguesa.

1288877936Ciencia.JPG

Iolanda Veloso destaca que os obradoiros "Ciencia divertida" chegan a 750 estudantes de 18 colexios de Vigo

xoves, 4 nov 2010

A concelleira de Normalización Lingüística, Iolanda Veloso, visitou este xoves o colexio O Pombal, un dos 18 centros escolares de Vigo nos que se están impartindo os obradoiros "Ciencia divertida", no marco da celebración hoxe do Día das Ciencias en Galego. Segundo a concelleira nacionalista, esta iniciativa ten o obxectivo de "difundir a ciencia en galego", pero tamén demostrar que a ciencia "pode ser divertida", mellorando a actitude dos escolares cara a esta materia.

Santi Domínguez amosa a súa satisfacción pola reanudación do servizo de Coidadores de Barrio

xoves, 4 nov 2010

O tenente de alcalde, Santi Domínguez, amosou hoxe a súa satisfacción pola reanudación hoxe do servizo de Coidadores de Barrio do Casco Vello, tras a súa constitución en cooperativa. O nacionalista, que durante a súa etapa como presidente do Consorcio do Casco Vello puxo en marcha os Coidadores de Barrio, salientou que se cumpre así o dobre obxectivo co que se creou esta figura. Por unha banda a zona histórica continúa dispoñendo dun servizo que atende ás necesidades do barrio e da veciñanza e por outra foméntase o autoemprego das persoas que inicialmente foron contratadas.

Bambalinas Asesinas, con Sergio Pazos e Tonino, representa mañá "Maté a un tipo" no Auditorio Municipal

xoves, 4 nov 2010

O Auditorio Municipal acollerá mañá 5 de novembro ás 21 horas a obra "Maté a un tipo", a cargo da compañía Bambalinas Asesinas, dentro da programación estable de artes escénicas organizada pola Concellería de Cultura. O prezo das entradas para asistir á representación é de 7 euros, que poden adquirirse anticipadamente a través da páxina web www.laboleteria.es ou o mesmo día do espectáculo a partir dunha hora antes do comezo. A información completa da programación pódese consultar no 010 ou na web www.vigo.cultura.org.