A Escola Municipal de Danza comeza o curso cun incremento do 11% de alumnado e un novo grupo de percusión
A Escola Municipal de Danza comezou o novo curso con case 300 alumnos e alumnas, o que supón un incremento do 11% respecto ás persoas matriculadas no curso anterior. Ademais, segundo informa a Concellería de Cultura e Animación Sociocultural, o incremento da demanda permitiu implantar un novo grupo de percusión.
A Escola Municipal de Danza imparte clases de danza e percusión tradicional nas súas propias instalacións distribuídas en sete categorías, como son o de iniciación para nenos e nenas de 4 e 5 anos; formación básica para rapaces e rapazas de 6 e 7 anos; danza para escolares, para mozos e mozas de 8 a 15 anos; danza xuvenil e de adultos, para alumnos de máis de 16 anos; danza para maiores de 65 anos, o grupo O Tarabelo e percusión tradicional. Nestas modalidades participan un total de 223 alumnos e alumnas.
Ademais, desenvolve o ensino en cinco grupos na escola, no C.P A Doblada, C.P. Chans de Bembrive, CP. Carrasqueira, CP. Rúa Aragón e CP. Javier Sensat, que este ano se suma á inicitiva. En total serán 33 os rapaces e rapazas participantes nestas clases.
Ademais, desenvolve o ensino en cinco grupos na escola, no C.P A Doblada, C.P. Chans de Bembrive, CP. Carrasqueira, CP. Rúa Aragón e CP. Javier Sensat, que este ano se suma á inicitiva. En total serán 33 os rapaces e rapazas participantes nestas clases.