venres, 28 maio 2010

O tenente de alcalde clausura o programa Empatía, no que participaron máis de 770 alumnos e profesorado da ESO

venres, 28 mai 2010

O tenente de alcalde, Santi Domínguez, e a concelleira de Xuventude e Igualdade, Iolanda Veloso, clausuraron este venres o programa Empatía, no que participaron un total de 761 alumnos e alumnas de sete centros de ESO de Vigo e 15 profesores do IES Castelao. No acto os nacionalistas subliñaron que o eido da educación é un dos ámbitos fundamentais para promover a igualdade e destacaron a boa acollida que están tendo os programas que fomentan esta cultura nos centros educativos da cidade.

Educación reitera que hai dúas opcións, ampliar o colexio na parcela actual ou facer un novo centro nas aforas da cidade, onde si hai terreos dispoñibles

O Concello confirma que edificar un novo colexio na actual parcela do Altamar é viable e legal

venres, 28 mai 2010

A concelleira de Educación, Laura López Atrio, insiste en que o proxecto duplica a actual capacidade do centro e adáptase a normativa vixente. A socialista dispón dun informe de Urbanismo que avala a legalidade da proposta e acusa á Xunta de que non ten "vontade" de construilo, e confirma que edificar un novo centro nos xardíns do Liste "non é unha opción". "Non sería bo facer edificios nas zonas verdes de Vigo", concluíu.

Laura López Atrio clausurou as primeiras Xornadas de Teatro Escolar cunha entrega de diplomas

venres, 28 mai 2010

A concelleira de Educación acudiu hoxe venres á Asociación Veciñal Monte da Mina, onde tivo lugar o peche da primeira edición das Xornadas de Teatro Escolar, organizadas pola Concellería de Educación a través da Escola Municipal de Teatro. As actividades realizáronse ao longo das pasadas catro xornadas lectivas, e hoxe concluíronse con representacións dos CEIP Ría de Vigo, O Pombal e Alfonso D. Rodríguez Castelao.