O Concello de Vigo, a través da Concellería de Promoción Económica e Emprego, e Obra Social Caixa Galicia asinan un convenio de colaboración para fomentar o autoemprego e apoiar aos emprendedores mediante a concesión de microcréditos.
O concelleiro de Seguridade, Xulio Calviño e o e o Xefe da Policía Local, Carmelo del Castillo, presentanron as novas accións formativas e informativas do Equipo de Vixilancia e Apoio Policial(EVAP). Este equipo ten como finalidade prestar unha atención preferente á asistencia e protección das mulleres que foron obxecto de comportamentos violentos no ámbito familiar e atenuar, na medida do posible, os efectos de devanditos malos tratos.
Un total de 35 firmas automobilísticas participarán na XVIII edición do Salón do Automóbil, segundo anunciaron en rolda de prensa o tenente de alcalde, Santi Domínguez, o presidente do salón e da CEP, José Manuel Fernández Alvariño, o responsable de Márketing de Caixanova, José Luis Abelleira, e o director xeral do salón José Enrique Elvira.O certame celebrarase no Instituto Feiral de Vigo do 1 ao 10 de maio.
A executiva da FEMP acordou hoxe martes solicitar ás comunidades autónomas e aos Concellos dinamizar a economía en base ao investimento público, ao I+D+i, e desenvolver políticas sociais e sostibles. Abel Caballero asistíu tamén este martes á toma de posesión de Antón Louro como delegado do Goberno en Galicia.
Para conmemorar o Día Internacional da Danza, o mércores 29 de abril, o museo Verbum ten preparado unha actividade especial de danza e teatro a cargo da compañía Experimenta Danza co seu espectáculo "Festival Espazos que Danzan". A representación comezará ás 20.00 horas con entrada gratuíta.