O alcalde e a delegada da Zona Franca en Vigo alcanzaron este acordo este mércores e "en 15 días", estimou Abel Caballero, se asinará o convenio polo que o Consorcio reparará directamente as instalacións deportivas ou revertirá no Concello o seu custo. "As negociacións chegaron a bo porto", salientou o alcalde.
O alcalde entrevistouse hoxe mércores co director de Estacións de ADIF, Miguel Ángel Campos, quen confirmoulle , segundo informou Abel Caballero, que a estación de Urzáiz ten "interese preferente" para ADIF polo que o asumen directamente. O rexedor confirmou que Mayne xa asinou o contrato con ADIF para a redacción do proxecto.
O tenente de alcalde, Santi Domínguez, anunciou este mércores que Vigo estará presente na vindeira Universiada de Verán que se celebrará en Belgrado no mes de xullo "para promocionar o Forum FISU e o Campionato do Mundo Universitario de Taekwondo". <br />
A concelleira de Igualdade, lolanda Veloso presentou este mércores as sesións que se celebrarán no mes de maio do módulo "Economía e Xénero", do Programa de Posgrado de Estudos de Xénero da Universidade de Vigo. A edil subliñou a importancia de abrir os módulos universitarios a todas as mulleres, polo que convidounas a participar nas sesións formativas, que teñen carácter gratuíto, "para que poidan achegar as súas visións".