O goberno local asegura que, con esta proposta e a falta da validación dos técnicos do Ministerio de Cultura, solventan á vez a localización da Biblioteca estatal nun lugar céntrico e melloran as condicións da Escola nun lugar tamén do centro da cidade. O grupo municipal do Partido Popular opúxose pois considera que o Concello perde parte do seu patrimonio. <br />
A nova edición do programa da Concellería de Medioambiente, o "Vigo Camiño a Camiño", iniciouse onte domingo levando de xeito gratuito a 200 vigueses a coñecer as Illas Cíes e a outros 300 á ruta Fragoselo-Saiáns. O segundo percorrido visitará O Galiñeiro o próximo domingo 3 de maio, e o prazo de inscripción deu comezo hoxe luns no teléfono 010.
Algúns dos veleiros que participarán na saída do Desafío Atlántico 2009, o próximo 3 de maio desde a cidade de Vigo, arribaron durante esta fin de semana na dársena da Laxe, atraque no que permanecerán ata o domingo, día no que poñerán rumbo a Tenerife, primeira escala da Tall Ships Race Atlantic Challenge 2009.
O MARCO, Museo de Arte Contemporánea de Vigo, ven de presentar a programación que levará a cabo entre os meses de maio e agosto: exposicións temporais, concertos e festivais, residencias de artistas, programación didáctica, Festa do Día Internacional do Museo, obradoiros infantís de verán, programación da Biblioteca-Centro de documentación, e actividades da Agrupación de Amigos, entre outros eventos.