A corporación expresa a solidariedade de Vigo cos familiares dos militares asasinados en Afganistán
O alcalde en funcións do Concello de Vigo, Santi Domínguez, en nome de toda a corporación municipal, expresou este luns as súas condolencias e solidariedade polo falecemento en atentado de dous militares da Brilat esta fin de semana en Afganistán. Santi Domínguez deu lectura a un comunicado, consensuado polos voceiros das tres formacións políticas con representación municipal, e posteriormente mantívose unha concentración silenciosa de tres minutos en recordo do soldado vigués Rubén Alonso Ríos e o seu compañeiro, o asturiano Juan Suárez García.
