As máis de 16.000 persoas inmigrantes que residen en Vigo contan desde xuño cun novo centro de información, orientación e asesoramento no baixo do número 43 da rúa Don Bosco, aberto oficialmente este mércores. A instalación, inaugurada polo presidente da Fundación Juan Soñador, o presidente de Caixanova e o alcalde, desenvolve funcións de asistencia social, xurídica e de formación.
O 13 de novembro de 2008, o MARCO cumpre seis anos dende a súa apertura ao público. O sábado 15 e domingo 16 de novembro, a festa aniversario ofrece un amplo programa de actividades para visitantes de todas as idades, que se suman ás tres exposicións temporais que actualmente se mostran en salas.
O Presidente da Federación Galega de Municipios e Provincias (FEGAMP), Carlos Antonio Fernández Castro, e o Presidente do Eixo Atlántico do Noroeste Peninsular, Luís Filipe Menezes asinarán, o vindeiro 14 de novembro, en Vigo un convenio de colaboración que permitirá reforzar o municipalismo e promover o desenvolvemento local no conxunto da Eurorrexión Galicia – Norte de Portugal.
O comité organizador do Campionato do Mundo de Hóckey sobre Patíns Vigo 2009 presentou o seu calendario e a imaxe oficiais, tras a reunión celebrada este mércores no Instituto Ferial de Vigo. As competicións desenvolveranse do 3 ao 11 de xullo do 2009 no Instituto Feiral de Vigo e no Pavillón Municipal de Pontevedra cun total de 16 países participantes divididos en catro grupos.
Por segundo ano consecutivo o pavillón de Bouzas acollerá este sábado día 15 o Trofeo Cidade de Vigo de Karate. Dende as 17.30 horas, uns oitenta karatecas de clubs de Vigo (A.D. Zanshin), Madrid (San Miguel Arcángel e Lorenzo Parra), Castela-León (C.A. Segoviana) e Asturias (Arenas) competirán polo triunfo en kata, kobudo e kumite por equipos e mixto.
A Fundación Tutelar "camiño do miño" e vicepresidencia da Xunta celebran en Vigo o venres, día 14, unha xornada informativa co título "A protección xurídica das persoas con discapacidade desde a persepctiva do trastorno do espectro autista". A xornada, con entrada libre, será ás 19.00 horas no edificio CAMI, na rúa Laxe,3.
O Festival ARE MORE 08 continúa co ciclo 'Encontros Crepusculares' que o 13 de noviembre ofrece a actuación "A Imaxe da melancolía. A arte da Usurpación" ás 20:45 h. na Igrexa María Auxiliadora de Vigo, con entrada libre até completar aforamento.
Este xoves 13 de novembro a partires das 19:00 hs no 1º andar do Puntoxove da Concellería de Xuventude , realizarase a proxección de FILI MARTINEZ "LANDSCAPES"<br />