Escoitar

Perú abrirá en Vigo o seu consulado para Galicia

O seu Cónsul Xeral en España, Manuel Palomino de la Gala, entrevistouse este venres co alcalde, Abel Caballero, para informarlle da decisión adoptada polo goberno peruano. O rexedor mostrouse satisfeito pola nova e salientou a "fluidísima e importante" relación pesqueira de Vigo con Perú.

venres, 7 nov 2008
1226064341P1010088.JPG
O alcalde co Cónsul Xeral de Perú en España, Manuel Palomino de la Gala
O alcalde de Vigo, Abel Caballero, recibiu este venres ao Cónsul Xeral do Perú, Manuel Palomino, que lle anunciou a inminente posta en marcha na cidade do consulado peruano para Galicia.

Alcalde e Cónsul barallaron a posibilidade de habilitar un espazo temporal en Vigo onde establecerse ata que o goberno non designe ao seu titular e poder así operar "de forma inmediata", explicou Abel Caballero.

O rexedor mostrou a súa satisfacción pola noticia, que reforza á cidade como sede de establecemento dos corpos consulares en Galicia. En especial citou a "fluidísima e importante" relación pesqueira existente entre Vigo e Perú, feito que constata a presencia do Ministro de Pesca deste país na Feira Conxemar.

Abel Caballero subliñou a número importante de peruanos que habitan en Vigo, así como o seu alto grado de integración na sociedade olívica.

Escuadrilla NATO
Previamente, o alcalde reuniuse na Alcaldía cunha delegación da escuadrilla marítima de detección e desactivación de minas da NATO, que estará dous días na cidade.

Na visita, eminentemente protocolaria, segundo indicou o propio mandatario vigués, se plantexou a posibilidade de permitir aos vigueses a entrada nos buques en próximas visitas, o que será realidade, previa autorización dos superarios da Comandancia.
1226064341P1010088.JPG
1226064141escuadrilla.jpg
Descargar todas as imaxes