O tenente de alcalde, Santi Domínguez, manifestou este venres aos organizadores e expositores do Salón Náutico a súa disposición para comezar a traballar na organización da vindeira edición do certame en canto este peche as súas portas. Deste xeito o tenente de alcalde quere evitar que, como aconteceu este ano, haxa apenas dous meses para poñer en marcha o Salón.
O Centro Comercial A Laxe xa ten as licenzas de actividade e primeira ocupación. Así o anunciou este venres a concelleira de Urbanismo, Carmen Silva, quen explicou que este xoves Zona Franca lle entregou ao Concello a documentación técnica que faltaba para cumprir este requisito.
O Concello de Vigo vai dispoñer de 43.200 euros para realizar estudos de mellora do transporte público. O INEGA, o Instituto de Enerxía de Galicia, decidíu conceder esta subvención solicitada polo goberno local para extender o carril bus na cidade e mellorar o servizo á Cidade Universitaria de Vigo e ao Parque Tecnolóxico de Valadares.
A concelleira de Medio Ambiente, Chus Lago, testou durante a mañá deste venres unha das rutas do programa "Vigo camiño a camiño", iniciativa do Concello de Vigo para descubrir os enclaves naturais da cidade. Lago, acompañada dun grupo de xornalistas, percorreu o río Eifonso, un dos principais afluentes do Lagares.
Un "Contacontos da Igualdade" dirixido a nenas e nenos de 6 a 9 anos, que terá lugar mañá, 1 de marzo, ás 12 horas na Biblioteca Central, inaugura as actividades que se desenvolverán ao longo de todo o mes de marzo en diferentes puntos da cidade con motivo do Día da Muller, segundo anunciou este venres a concelleira de Igualdade, Iolanda Veloso.
O alcalde, Abel Caballero, asinou este venres un convenio de colaboración coa Asociación de Persoas Xordas de Vigo para a realización de actividades que faciliten a comunicación directa aos discapacitados auditivos. O acordo desenvolverase coa axuda de dous intérpretes de lingua de signos.
A partir do 3 de marzo celebrarase na cidade sudafricana de Langebaan o Campionato do Mundo de Catamaráns, ao que acudirán, para representaren a Vigo, dous alumnos do Colexio Rosalía de Castro e outros dous do Apóstol Santiago. O tenente de alcalde, Santi Domínguez, acompañounos este venres na presentación deste evento no Concello.
Os mozos e mozas de Vigo poderán disfrutar este sábado, 1 de marzo, dunha nova sesión de música disco na Disco Light da SalaA! (Avda. Beiramar, 113), segundo anunciou este venres a concelleira de Xuventude, Iolanda Veloso. Neste espazo, de 17.30 a 21.00 horas, terá lugar tamén a Festa Tuning, polo que haberá un coche de exposicion dentro da sala, en concreto un 206 Coupe Cabrio, gañador de varios premios Tuning no ámbito estatal. Ademais, aos mozos e mozas asistentes obsequiaráselle con diversos regalos, como fluorescentes e camisetas.