O Goberno local aprobou este martes a modificación das tarifas de varios aparcadoiros públicos co obxectivo de facilitar ás concesionarias o equilibrio económico-financeiro na súa explotación. A filosofía aplicada a esta medida é a de distribuír o esforzo económico entre o conxunto de usuarios, cun maior impacto para as estadías curtas nos párkings.
O alcalde, Abel Caballero, rubricou este martes un convenio co director xeral de Caixa Galicia, José Luis Méndez, polo que esta entidade investirá en Vigo 2,5 millóns de euros en actividades socioculturais en 2008. Abel Caballero salientou que o convenio ten nos creadores, o medioambiente e as empresas os seus tres alicerces básicos
A montaxe "Artifex. Enxeñería romana en España", que se inaugura este mércores é unha boa mostra diso, pretende dar a coñecer o legado técnico da enxeñería romana a través das súas innovacións e logros en diversos ámbitos, efectuando un percorrido polos diferentes avances técnicos dos romanos na súa enxeñería civil en obras como as calzadas, acueductos, pontes e explotacións mineiras, entre outras infraestruturas do seu tempo.
Un total de 204 vehículos fabricados entre os anos 1953 e 1982 reuniranse o sábado 1 de marzo no párking do Verbum para participaren no Rallye Rías Baixas Clásico. Na edición deste ano, a décima xa, a proba disputarase sobre un novo percorrido, que será revelado o mesmo día da competición para que o público poida gozar dunha carreira que constitúe "un espectáculo en si mesma".