A alcaldesa, Corina Porro, esixiulle hoxe xoves ao Goberno central a creación do Xulgado Mercantil en Vigo, e non en Pontevedra, que xa ten un. Segundo afirmou, "non se trata de localismos", senón de responder a "unha realidade social".
O Consello da Xerencia Municipal de Urbanismo propúxolle hoxe xoves por unanimidade ao Pleno da Corporación a aprobación definitiva da ordenanza municipal que establece o obrigada instalación de sistemas de captación e utilización de enerxía solar nos edificios de nova planta e nos que sexan reestructurados.
O Concello realizará o venres unha homenaxe ao cineasta vigués Demetrio Bilbatúa Rodríguez nun acto que se celebrará ás 11 horas na Galería da Alcaldía e no que o concelleiro de Cultura, Ignacio López Chaves, entregaralle ao cineasta unha placa en recoñecemento a súa traxectoria profesional e contribución á cinematografía. Demetrio Bilbatúa é un vigués nacido en 1935 que tivo que construir a súa vida lonxe da cidade como consecuencia da guerra civil.
A concelleira de Deportes, Lucía Molares, presentou a VI Trofeo Cidade de Vigo de Karate que se celebrará o próximo sábado día 19 ás 17:30 horas no pavillón central de As Travesas e que organiza a agrupación deportiva Zanshin .