Escoitar

Obradoiro de atención directa á muller vítima de malos tratos

Persoal sanitario e policía nacional son os destinatarios dun obradoiro de atención directa á muller vítima de malos tratos que organiza a concellería da Muller e presentou hoxe en rolda de prensa a súa titular, Lucía Molares. O obradoiro está inscrito no II Plan de Acción Municipal para combater a violencia contra as mulleres 2004-2007.

mércores, 16 nov 2005
1132149664obradoiromuller.jpeg
O obradoiro será impartido pola psicóloga Rosa Faraldo, profesional especializada en atención a mulleres víctimas de violencia e formou parte do equipo que elaborou e coordinou o 1º Plan Municipal contra a violencia.

Durante as seis horas que dura o obradoiro analizaranse aspectos sobre qué é o maltrato?, por qué se produce?; tipos de maltrato e consecuencia dos mesmos. Segundo sexa o público destinado do curso, persoal sanitario ou forzas de seguridade, explicarase a intervención que se debe prestar á muller vítima de malos tratos.

Non obstante os profesionais que atendan ás vítimas deberán sempre ter en conta que a muller vítima de maltrato conta con atención preferente; é a vítima e non a culpable do mesmo; trátase dun episodio inscrito nun ciclo de violencia constante e cíclico; é imposible que a vítima modifique a conducta do agresor, e que en definitiva o maltrato é un delito que está penado pola lei: Título IV da Lei Orgánica 1/2004, de 28 de decembro, de Medidas de Protección Integral contra a Violencia de Xénero.

O obradoiro dirixidos ás forzas de seguridade impártese os días 16 e 17 de novembro na comisaria de policía de López Mora e o do persoal sanitario na xerencia de atención primaria do centro de saúde de Rosalía de Castro.
Descargar todas as imaxes