Persoal sanitario e policía nacional son os destinatarios dun obradoiro de atención directa á muller vítima de malos tratos que organiza a concellería da Muller e presentou hoxe en rolda de prensa a súa titular, Lucía Molares. O obradoiro está inscrito no II Plan de Acción Municipal para combater a violencia contra as mulleres 2004-2007.
A concelleira de Benestar Social, Marta Iglesias, presentou hoxe mércores as V Xornadas do Plan Local sobre Drogodependencias e outras Adiccións, que se desenvolverán no Verbum os vindeiros días 23 e 24 de novembro co título de "Epidemioloxía, avaliación e novas estratexias".
A Asociación Cultural "O Coto" organiza para o próximo domingo 20 no Colexio Carballal, de Cabral, a XVIII Festa do Cabazo, na cal se ofrecerán diferentes pratos confeccionados con este froito no medio dun ambiente amenizado por grupos de música tradicional.
O Consello da Xerencia Municipal de Urbanismo ,na sesión ordinaria que ten lugar o xoves día 16, tratará entre outros asuntos da resolución de alegacións e aprobación definitiva da ordenanza municipal sobre captación e aproveitamento da enerxía solar para usos térmicos en edificacións e instalacións no termo municipal de Vigo.