A Asociación Cultural "O Coto", de Cabral, celebra a Festa do Cabazo o próximo domingo
A Asociación Cultural "O Coto" organiza para o próximo domingo 20 no Colexio Carballal, de Cabral, a XVIII Festa do Cabazo, na cal se ofrecerán diferentes pratos confeccionados con este froito no medio dun ambiente amenizado por grupos de música tradicional.
Os que vaian á Festa do Cabazo poderán degustar, de maneira gratuíta ou por un módico prezo, un conxunto variado de pratos nos que o cabazo será o elemento principal, desde as típicas chulas ata pasteis, pasando polos biscoitos, o caldo, o pan ou as empanadas. Mesmo se poderá adquirir licor de cabazo. En total, empregaranse para elaborar estes produtos arredor de 200 cabazos duns 40 kilos cada un; ou sexa, uns 8.000 kilos deste froito.
A Festa comezará ás 11:30. Durante a mañá, a degustación será amenizada polo grupo de gaitas "Tarambullada" e o grupo de pandereiteiras "Lembranzas Galegas". Despois da lectura do pregón, a cargo do director do Instituto de Estudos Vigueses, Gerardo Sacau, actuará a murga morracense "Os do Títalo".
Pola tarde, a partir das 17:00, actuarán o grupo folk-vocal "Cantarellus", o grupo de gaitas "Vagalume" e o grupo de danzas do mundo "Asociación Monteira".
Os asistentes poderán comprar envases de degustación, así como unha publicación sobre a Festa do Cabazo, na cal se fala deste froito e das súas cualidades e se dan algunhas receitas para preparalo.
Ademais, a Festa do Cabazo contará cunha exposición de "Menciñas de outrora" e outra sobre a historia da Festa, na que se amosará o proceso de cultivo, recollida, elaboración e degustación do cabazo. Así mesmo, poderanse contemplar mostras de actividades artesanais como o ganchillo, a cestería e o vidro.
Con esta celebración, que conta coa colaboración do Departamento de Festas e Animación Sociocultural do Concello, a Asociación Cultural "O Coto" quere evitar a perda das tradicións relacionadas co cabazo, recuperando e enxalzando este froito como produto alimenticio.
Descargar todas as imaxes
A Festa comezará ás 11:30. Durante a mañá, a degustación será amenizada polo grupo de gaitas "Tarambullada" e o grupo de pandereiteiras "Lembranzas Galegas". Despois da lectura do pregón, a cargo do director do Instituto de Estudos Vigueses, Gerardo Sacau, actuará a murga morracense "Os do Títalo".
Pola tarde, a partir das 17:00, actuarán o grupo folk-vocal "Cantarellus", o grupo de gaitas "Vagalume" e o grupo de danzas do mundo "Asociación Monteira".
Os asistentes poderán comprar envases de degustación, así como unha publicación sobre a Festa do Cabazo, na cal se fala deste froito e das súas cualidades e se dan algunhas receitas para preparalo.
Ademais, a Festa do Cabazo contará cunha exposición de "Menciñas de outrora" e outra sobre a historia da Festa, na que se amosará o proceso de cultivo, recollida, elaboración e degustación do cabazo. Así mesmo, poderanse contemplar mostras de actividades artesanais como o ganchillo, a cestería e o vidro.
Con esta celebración, que conta coa colaboración do Departamento de Festas e Animación Sociocultural do Concello, a Asociación Cultural "O Coto" quere evitar a perda das tradicións relacionadas co cabazo, recuperando e enxalzando este froito como produto alimenticio.