O concelleiro de Cultura, Ignacio López-Chaves, presentou hoxe martes os resultados das actividades do Verbum-Casa das Palabras, xunto co director deste museo, Lois Cea. López-Chaves salientou o aumento do número de visitantes e adiantou a intención do Concello de facer do Verbum un museo "didáctico, divulgativo, divertido e diverso".
Veciños de Vigo manifestáronse hoxe martes en silencio en protesta polas dúas últimas mortes por violencia de xénero. Onte foron asasinadas dúas mulleres en Ponteareas e Calatorao (Aragón) a mans dos seus maridos.
A Casa das Mulleres acollerá o próximo venres, 17 de novembro, e o sábado 18 as "III Jornadas de Formaçom do Feminismo", organizadas co lema "Por umha sociedade laica. Polo nosso direito a decidir" polas Mulheres Nacionalistas Galegas coa colaboración da Concellaría da Muller.
A concellería de Festas e Animación Sociocultural convoca o concurso "Vente cos Reis Magos 2006" que ten como obxectivo seleccionar a 36 nenos e nenas para acompañar os Reis Magos, na Cabalgata de Reis do próximo ano, que terá lugar na nosa cidade o vindeiro día 5 de xaneiro. Os selecionados serán repartidos en grupos de doce nas tres carrozas reais.