Os amantes do jazz teñen tres citas no Auditorio Municipal durante esta fin de semana: Nils Wogran "Root 70", o venres, Gianluigi Trovesi Octet, o sábado, e Carlos Barreto Trío e François Corneloup "Locomotiv", o domingo. Ademais, o luns terá lugar unha conferencia sobre novas tendencias no jazz, despois da cal Vicent Courtois improvisará co seu violoncelo.
O Verbum-Casa das Palabras inicia as actividades denominadas "Obradoiro de Xogos" dirixidas ás familias e particularmente aos máis cativos. Estas actividades de dinamización forman parte dos acordos do convenio asinado recentemente entre a concellería de Cultura e a Universidade de Vigo.
A VI edición do festival musical Karraskal Rock contará coa banda valenciana o sábado 9 de xullo. Antes actuarán os grupos vigueses "Los Faltones", "NOT" e "Saldos Arias". "El último ke zierre" é unha das bandas mais veteranas da escena rockera española.
O Plan Local sobre Drogodependencias e outras Adiccións de Vigo, súmase á celebración ,o domingo 26, do "Día Internacional da loita contra a droga" abogando pola necesidade de que os programas preventivos teñan unha duración permanente para que "poidan de verdade ser e ter impacto na xuventude e na infancia".
O Concello achegará un total de 78.091 para o desenvolvemento de accións de base e de dinamización por parte da Asociación de Veciños "Eduardo Chao". Desta cantidade, 54.091 euros serán concedidos pola área de Participación Cidadá e os outros 24.000, pola de Festas e Animación Sociocultural.
<br />
<br />