O concerto de presentación terá lugar mañá martes ás 19,30 horas no Auditorio do Concello e coincidirá coa celebración do Día Mundial da Música. Despois de oito anos de percorrido, a Escola Municipal de Música, que naceu en 1997, presenta oficialmente a súa orquestra o mesmo ano en que sae a súa primeira promoción de músicos.
A Xunta de Goberno Local autoriza o persoal da Policía Local para realizar 10 xornadas adicionais ás legalmente previstas. Ademais, aprobou a disposición, por parte do Concello, de 38.000 euros para a prevención de drogodependencias.
A Concellería de Turismo dirixida por Lucía Molares Pérez, pon en marcha o martes, día 21,un novo programa que dará a coñecer os servizos turísticos a distintos colectivos da cidade. Nenos, xóvenes, recepcionistas de hoteis, tour operadores... poderán coñecer gratis os diferentes servizos.
A concelleira de Deportes, Lucía Molares, presentou xunto aos representantes do Club Montañeiros Celtas a terceira edición da Travesía pola Ría de Vigo e o seu contorno, que se disputará os días 25 e 26 de xuño.
O martes, día 21, reunese o Consello da Xerencia Municipal de Urbanismo en sesión extraordinaria e urxente na sala de reunións da sede da Xerencia, ás 10 horas, para tratar de diversas actuacións do plan parcial de Navia.