A Xunta de Goberno autoriza o persoal da Policía Local para facer xornadas adicionais
A Xunta de Goberno Local autoriza o persoal da Policía Local para realizar 10 xornadas adicionais ás legalmente previstas. Ademais, aprobou a disposición, por parte do Concello, de 38.000 euros para a prevención de drogodependencias.
A Xunta de Goberno Local aprobou hoxe luns unha proposta cuxo obxecto é o de autorizar o persoal de cadro da Policía Local para realizar un total de 10 xornadas adicionais respecto das legalmente previstas. A duración de cada unha destas xornadas adicionais, que se realizarán en todo caso entre o 1 de xuño e o 31 de decembro, será de 8 horas. O custo total do programa aprobado a raíz desta proposta non poderá exceder os 652.380,70 euros.
Ademais, na reunión de hoxe tamén se decidiu iniciar os trámites previos á sinatura dun convenio de cofinanciamento entre a Consellería de Sanidade e o Concello de Vigo para programas de prevención de drogodependencias e promoción da saúde.
Así, quedou aprobada a disposición dun total de 28.500 euros por parte da Concellería de Benestar Social para facer fronte á parte correspondente de cofinanciamento do citado convenio neste ano 2005, e un total de 9.500 euros en 2006, de existir dotación económica suficiente e axeitada nos orzamentos dese ano. A cantidade resultante como achega do Concello de Vigo a este convenio será de 38.000 euros.
Ademais, a Xunta de Goberno Local adoptou o acordo de prorrogar para o período comprendido entre o 1 de xullo de 2005 e o 30 de xuño de 2006 o contrato de prestación do servizo de vixilancia nos centros cívicos do Concello de Vigo suscrito coa empresa "Securitas Seguridad España, S.A.".
Descargar todas as imaxes
Ademais, na reunión de hoxe tamén se decidiu iniciar os trámites previos á sinatura dun convenio de cofinanciamento entre a Consellería de Sanidade e o Concello de Vigo para programas de prevención de drogodependencias e promoción da saúde.
Así, quedou aprobada a disposición dun total de 28.500 euros por parte da Concellería de Benestar Social para facer fronte á parte correspondente de cofinanciamento do citado convenio neste ano 2005, e un total de 9.500 euros en 2006, de existir dotación económica suficiente e axeitada nos orzamentos dese ano. A cantidade resultante como achega do Concello de Vigo a este convenio será de 38.000 euros.
Ademais, a Xunta de Goberno Local adoptou o acordo de prorrogar para o período comprendido entre o 1 de xullo de 2005 e o 30 de xuño de 2006 o contrato de prestación do servizo de vixilancia nos centros cívicos do Concello de Vigo suscrito coa empresa "Securitas Seguridad España, S.A.".