O vindeiro luns comezará a segunda quenda de pago das indemnizacións aos asistentes á festa de fin de ano 2000 no Hotel Samil. O Concello presentara unha demanda xudicial, a través da Oficina municipal de información ao consumidor (Omic) en defensa dos dereitos dos asistentes a este evento, que se sentiron estafados pola organización.
A concelleira de Participación Cidadá, María Méndez entrevistouse con representantes da comisión de voluntariado da plataforma Nunca Máis e dos voluntarios mobilizados polo Concello para a limpeza das praias afectadas polo vertido do "Prestige".
O alcalde, Ventura Pérez Mariño, reuniuse con Alfonso Zulueta de Haz, Xaime Illa Couto e Antón Vidal para tratar cuestións referentes ao eido cultural en Vigo e comprometeuse a colaborar nos actos conmemorativos do aniversario de Fermín Penzol, un dos mecenas máis importantes da cultura galega.
"Prevención e responsabilidades en instalacións e actividades deportivas" é o título do curso que comeza o luns 7 de xullo dentro do programa de Xestión e Actualización do Deporte "En forma_acción", no marco dos cursos de Extensión Universitaria da Universidade de Vigo en colaboración coa Concellería de Deportes.
O concelleiro Lois Pérez Castrillo presentou no Instituto de Desenvolvemento de Caixanova o terceiro encontro transnacional ProQUALITAS, Proxecto Compás - Agrupación de Desenvolvemento Equal Área Metropolitana de Vigo e no que tamén están a participar os seus socios de Jérez de la Frontera, de Ragusa (Sicilia) e de Porto.
A Concellería de Cultura organiza a exposición da artista Menca Estévez "Eter terra" que se inaugura o luns 7 de xullo ás 20:00 na Casa das Artes. No acto intervirán a flautista Julia Estévez e a soprano Begoña Estévez.
A Vigo Cup chega á súa recta final despois de que se coñecesen os equipos que loitarán por facerse un oco entre os finalistas.