Os coidadores de barrio realizaron 6.066 servizos ata o 31 de maio
O programa municipal de coidadores de barrio prestou ata o día 31 de maio un total de 6.066 servizos e atendeu a 284 usuarios con idades de entre 60 anos e máis de 90. “Está a prestar un importantísimo servizo na cidade”, destacou Abel Caballero.
Os 40 coidadores de barrio do Concello realizaron desde xaneiro a maio unha media de 1.200 acompañamentos mensuais, segundo explicou hoxe o alcalde.
Cun investimento municipal de 600.000 euros, o servizo aumenta o número de atencións, como o pasado mes de maio coa incorporación de 10 novos usuarios.
Entre as actividades promocionadas polo programa municipal atópanse as viaxes guiadas pola ría de Vigo, así como as actividades desenvolvidas nos parques biosaudables e a iniciativa interxeracional.