Vigo segue a rexistrar datos récord de visitantes
O estudo do INE que mide os turistas a través da situación dos teléfonos móbiles reflicte a suba tanto nos visitantes nacionais como estranxeiros. “Temos unha posición hexemónica no turismo”.
Caballero deu conta dos datos de turismo do INE medidos a través da situación dos teléfonos móbiles, onde os visitantes nacionais medraron un 4% no mes de abril con respecto ao mesmo mes do ano anterior. Por comunidades autónomas, a metade do turismo é da propia Galicia. Tamén destaca a chegada de persoas de Madrid (18%), Castela e León (5%) e outras comunidades como Cataluña, Asturias, Andalucía, Valencia, País Vasco e Canarias (entre un 2 e 3%)
Por outra banda, o turismo internacional medrou un 15% no mes de marzo con respecto ao marzo do ano 2024. O alcalde numerou os países principais emisores de turistas cara a Vigo, sendo o primeiro Portugal, seguido de Francia (15%), Países Baixos (10%), Alemania (9%) e Estados Unidos (6%).