Escoitar
Mobilidade,Transportes e Seguridade

Obras en diversas rúas de Vigo

<br />

venres, 28 xan 2011
MOBILIDADE, TRANSPORTES E SEGURIDADE
Ponse en coñecemento do público en xeral que por mor das obras de reparación das xuntas de dilatación na rotonda do túnel de Beiramar coa AP 9 a realizar pola empresa UTE Movexvial Crespo e a limpeza de gabias, a realizar pola empresa Construcións e Contratas, estará pechada ao tráfico a saída 4 V da AP 9 cara a Isaac Peral, Porto e túnel de Beiramar, o sábado 5 de febreiro de 2011 dende as 06:00 horas e por un período dun día.
O desvío será pola saída 2 V (Bos Aires) para o tráfico pesado e lixeiro e pola saída 5V( Alfonso XIII) para o tráfico lixeiro.
Solicítase a máxima colaboración cidadá.

Ponse en coñecemento do público en xeral que por mor das obras de humanización, a realizar pola
empresa Construcións Crespo, estará pechada ao tráfico a rúa Mestre Montes, con acceso exclusivo para garaxes, dende o martes 01 de febreiro de 2011 ás 10:00 horas e por un período aproximado de dous meses.
Mentres duren as obras, establécese dobre sentido na rúa Baixada a Mestre Chané.
Solicítase a máxima colaboración cidadá.

Ponse en coñecemento do público en xeral que por mor das obras de humanización, a realizar pola
empresa Hidroscivil, establécese sentido único na rúa Couto de San Honorato, treito entre Pza Santa Rita e Couto Piñeiro, cara a Couto Piñeiro, dende o luns 31 de xaneiro de 2011 ás 10.00 horas e por un período aproximado de dous meses.
Solicítase a máxima colaboración cidadá.