venres, 4 marzo 2011

O alcalde inaugura a segunda fase da humanización de López Mora, cun investimento total na rúa de 3,5 millóns de euros

Abel Caballero inaugurou hoxe venres o treito entre Pi y Margall e José Frau Ruiz, unha actuación de case medio quilómetro e 7.500 m2 de superficie que supuxo un orzamento de 1,75 millóns de euros. Xunto coa primeira fase, rematada semanas atrás, o investimento municipal na rúa López Mora suma 3,5 millóns, 15.000 m2 de actuación e a renovación integral das redes de servizos soterradas.

Caballero asegura que "estamos en disposición de garantir" que o novo centro de Aspanaex axustarase á legalidade urbanística

venres, 4 mar 2011

O alcalde de Vigo reuníuse este venres cos responsables de Aspanaex para transmitirlles que o goberno local está "en disposición de garantir" que o novo centro que a entidade quere construir se axusta á legalidade urbanística vixente. O alcalde amosou a súa "satisfacción" por "facer as cousas na legalidade" e pola "gran dimensión social" desta obra, que ten "todo o apoio" do Concello.

Santi Domínguez salienta que o Convention Bureau ten xa 83 empresas colaboradoras e 10 congresos pechados para 2011

venres, 4 mar 2011

O tenente de alcalde e concelleiro de Turismo, Santi Domínguez, deu conta dos asuntos tratados na xuntanza celebrada hoxe do padroado da Fundación Vigo Convention Bureau, na que se lle trasladou aos seus integrantes o balance das actividades que esta entidade realizou ao longo de 2010 e as previsións para 2011. Salientou a satisfacción manifestada polo padroado polo traballo feito no primeiro ano de andaina do Convention Bureau, xa que conta con 83 novas empresas colaboradores e 10 congresos a celebrar ao longo de 2011.

O prazo para estas rutas do "Camiño a Camiño" ábrese o vindeiro luns, 7 de marzo

Comeza o prazo de inscripción para a "Pequeruta polo Lagares" e a "Ruta do Foxo do Lobo"

venres, 4 mar 2011

"Na pequeruta polo Lagares", que se celebra o 12 de marzo, será preciso facilitar os datos dos rapaces telefonicamente no 010 pero tamén entregar o día da saída un consentimento informado. "Na ruta do Foxo do Lobo" haberá que preinscribirse no 010 ata o 11 de marzo. Os preinscritos deberán asistir a unha reunión informativa que terá lugar en Vigozoo o 15 de marzo. O programa "Camiño a Camiño" é unha iniciativa da Concellería de Medioambiente que dirixe Chus Lago.

O mercado de produtos tradicionais do Paseo de Alfonso incluirá o domingo un obradoiro de reciclaxe de xabróns

venres, 4 mar 2011

O mercado de produtos tradicionais galegos que organiza a Concellería de Patrimonio Histórico no Paseo de Alfonso celebrará a sétima edición o vindeiro domingo, 6 de marzo. Segundo informa o concelleiro de Patrimonio Histórico, Eudosio Álvarez, nesta ocasión a feira vestirase de Entroido e contará cun ambiente de romaría con filloas, orellas, polbo e viño ecolóxico, entre outros produtos, pero tamén se poderá participar nun obradoiro de reciclaxe de xabróns de 12 a 13.30 horas.

A mostra "Quiñones de León: Unha pinacoteca para Galicia" pecha o vindeiro luns por mor da montaxe da nova Pinacoteca

venres, 4 mar 2011

A exposición "Quiñones de León: unha nova pinacoteca para Galicia", que dende o pasado mes de novembro se pode visitar na Casa das Artes, pechará o vindeiro luns, 7 de marzo, por mor dos traballos de montaxe da nova Pinacoteca. Organizada polas concellerías de Patrimonio Histórico e Cultura, a mostra recibiu dende o 26 de novembro de 2010 ao 2 de marzo de 2011 un total de 3.734 visitantes, que puideron ver o avance da exposición permanente que albergará o novo centro cultural vigués.

Xabier Alonso anuncia que os prezos da Copa do Rei de Balonmán serán asequibles e con descontos para os Siareiros

venres, 4 mar 2011

O concelleiro de Deportes, Xabier Alonso, anunciou hoxe os prezos para a Copa do Rei de balonmán, que se disputará do 6 ao 10 de abril no pavillón das Travesas. A venda de localidades porase en marcha o vindeiro luns, 7 de marzo e segundo afirmou o concellerio nacionalista, serán prezos "asequibles para o público en xeral" con descontos para os Siareiros. Barcelona Borges, defensor do título, o vigués Academia Octavio, Reale Ademar de León, Cuatro Rayas Valladolid, CAI Aragón, Fraikin Granollers, Amaya Sport San Antonio e Renovalia Ciudad Real serán os participantes.

O teatro infantil do programa "Vigo a escena" continúa o domingo no Auditorio Municipal coa obra "Cinderela mix"

venres, 4 mar 2011

O Auditorio Municipal acollerá o domingo, 6 de marzo, a obra para público familiar "Cinderela mix", que interpretará Artello Teatro ás 12 e ás 18 horas. A representación enmárcase dentro do programa "Vigo a escena" que organiza a Concellería de Cultura e o prezo das entradas é de 3 euros para os nenos e nenas ata 12 anos e 5 euros para os maiores. Pódense adquirir na web www.laboleteria.es ou na taquilla unha hora antes do comezo da actuación.

Escola municipal de artes e oficios

Exposición ""Proxecto Apertura"

venres, 4 mar 2011

Ata o día 26 de marzo permanecerá aberta ao público na sala de exposicións da Escola –Espazo EMAO-- a mostra colectiva "Proxecto apertura", con 50 obras seleccionadas do alumnado actual e recente da Escola Municipal de Artes e Oficios.Horario: de martes a sábado de 19 a 21 horas<br />

Igualdade

Concurso de fotografĺia dixital e microvídeos "Os dereitos das mulleres. A revolución creativa"

venres, 4 mar 2011

Con motivo da celebración do Día Internacional da Muller, que se conmemora o día 8 de marzo, o Consello Municipal da Muller e maila Concellería de Igualdade do Concello de Vigo convocan este concurso, co fin de fomentar unha maior implicación e concienciación cidadá a favor da igualdade de oportunidades entre homes e mulleres así como servir de canle para amosar as achegas que ao longo da historia fixeron e fan as mulleres ben de xeito individual ou colectiva.

Promoción Económica e Emprego

Convocatoria para a selección de candidatos/as a peóns, oficiais e capataces beneficiarios/as do programa UTIL

venres, 4 mar 2011

A Concellería de Promoción Económica e Emprego, no marco do Plan Municipal de Emprego de 2008-2011, abre o prazo de presentación de solicitudes para participar no proceso de selección para os seguintes postos de traballo: peòns, oficiais e capataces.O programa de integración laboral está destinado a persoas en desemprego con necesidades económicas e sociais, para a realización de obras públicas e servizos de interese municipal.

Cultura e Animación Sociocultural

Entroido 2011<br /> BANDO

venres, 4 mar 2011

Co gallo das actividades programadas para o Entroido 2011 que terá lugar en Vigo do 4 ao 9 de marzo adoptaranse as seguintes medidas en materia de tráfico e seguridade: