Hoxe xoves o Alcalde, Abel Caballero, e o Concelleiro de Participación Cidadá, Santos Héctor reuníronse na Alcaldía cos novos integrantes da directiva da Asociación de Veciños de Matamá . Á reunión asistiron Manuel Costas, presidente da Asociación, José Bacelos, Vicepresidente, Suso Costas e María Belén Perez tesoureiros da entidade.
O tenente de alcalde, Santi Domínguez, o concelleiro de Cultura, Xesús López, e o director da Obra Social de Caixanova, Guillermo Brea, presentaron a programación das Festa de Verán Vigo 2008, que se elaborou, segundo explicou o tenente de alcalde, baixo dous eixos fundamentais: converter a Vigo nunha cidade referente na celebración de grandes concertos e programar unha Semana Grande de festas cun amplo abano na oferta cultural e de entretemento, "para que os vigueses e viguesas sinta que realmente están en festas".
Apostar polas persoas en risco de exclusión social, integrándoas no mundo laboral, para evitar que caian na pobreza e o obxectivo co que traballará o novo equipo do segundo Plan de Inclusión Social, que hoxe foi presentado polo tenente de alcalde, Santi Domínguez, e a concelleira de Benestar Social, María Méndez. Segundo explicou a edil do BNG, durante este ano 2008 este departamento xa realizou 317 intervencións, maioritariamente correspondentes a mulleres.
O alcalde presentou este xoves os once puntos de acceso a Internet distribuidos pola cidade, dos que xa funcionan dous desde hoxe, na Praza da Independencia e no Paseo de Alfonso. Os cidadáns terán acceso gratuito á rede durante 10 minutos as 24 horas do día. Ademais, Abel Caballero informou hoxe da apertura progresiva de oito novos aseos públicos automáticos na zona de praias.
O alcalde presidíu este xoves a Xunta de Seguridade na que se adoptaron as medidas de tráfico e seguridade para o Festival Aéreo de Vigo que se celebrará o vindeiro 20 de xullo en Samil. A seguridade aérea, marítima e terrestre "está garantida", salientou o alcalde, quen fixo un chamamento para que os cidadáns se acheguen a ver o festival en transporte público. 20 lanzadeiras de VITRASA facilitarán o acceso desde a Praza de América.
A concelleira de Benestar Social, María Méndez, visitou este xoves a unidade móbil do programa Café e calor na rúa, desenvolvido pola propia Concellería de Benestar Social a través dun convenio con Médicos do Mundo, e que segundo apuntou a edil do BNG atende arredor de 40 persoas ao día.
A praia de Samil recibe este verán unha batería de modalidades deportivas englobadas no "Verán deportivo" que permitirán o goce de participantes e veraneantes. Entre o próximo día 18 e o 7 de agosto, disputaranse cinco disciplinas de competición (fútbol praia, balonmán praia, voley praia, foot voley e tenis praia) e outra de exhibición (cachibol), baixo o patrocinio de Tenencia de Alcaldía e a Concellería de Deportes, e a organización de Evento Global.