martes, 8 xullo 2008

O Concello destina máis de 495.000 euros ao programa de apoio ás organizacións de iniciativa social

A concelleira de Benestar Social, María Méndez, salientou este martes que o departamento que dirixe destina máis de 495.000 euros para a sinatura de convenios con distintas organizacións de iniciativa social. Así, María Méndez sinalou que a renovación dos acordos con entidades como CEDRO, Médicos do Mundo, Alborada, o Comedor da Esperanza, Afán, ou o Fondo Galego de Cooperación supón un incremento medio do 7 por cento da cuantía dos convenios, mentres que hai outros de nova creación, como o de Sereos do Casco Vello, Asvidal ou Afal.

1215521078DSC00375.JPG
1215521728festivalaereo.jpg

O Festival Aéreo de Vigo 2008 será "superior en calidade e cantidade"

martes, 8 xul 2008

O alcalde e representantes da organización e de Caixanova presentaron este martes o Festival Aéreo de Vigo 2008, que conta "cun programa máis completo e máis potente" que en anos anteriores, segundo informou o organizador, Pablo González. O 20 de xullo terá lugar a celebración, que este ano se complementa con actividades culturais, como a entrada do buque Juan Sebastián Elcano o día 11 de xullo.

1215519646audicastrelos.jpg
Poden mercarse en www.servinova.com, no 902 504 500 e na Central de Espectáculos a 10 euros anticipada e 12 o mesmo día

Xa están a venda as entradas para os concertos de Rubén Blades, Roger Hodson e Pereza

martes, 8 xul 2008

O vindeiro día 22 o grupo Pereza inaugurará o calendario de citas musicais previstas no Auditorio de Castrelos, dentro da programación das Festas de Verán de Vigo elaborado pola Tenencia de Alcaldía e a Concellería de Cultura e Animación Sociocultural. As persoas interesadas xa poden facerse coas entradas para os concertos de Pereza, Roger Hodson e Rubén Blades, que actuarán neste escenario os días 22, 23 e 30 de xullo respectivamente ás 23 horas. As entradas terán un prezo de 10 euros anticipada e 12 euros en taquilla e poden adquirirse en Caixanova, a través da web www.servinova.com e no 902 504 500, ou na Central de Espectáculos.

1215522874cristo.jpg

As obras no centro non afectarán ao percorrido da procesión do Cristo da Victoria<br />

martes, 8 xul 2008

O alcalde de Vigo e a directiva da Confraría do Santísimo Cristo da Victoria mantiveron este martes un encontro de preparación da festividade. Abel Caballero aclarou que "con case toda probabilidade" as obras no centro non impedirán o paso da procesión por Policarpo Sanz, co que o percorrido será o mesmo de anos anteriores. Ademais, o Concello estuda instalar na fachada da Concatedral unha pantalla para que os fieis poidan seguir a misa desde fóra. <br />

1215521546comite.jpg

O alcalde reunirase co comité de empresa do Concello cada seis meses

martes, 8 xul 2008

Abel Caballero e representantes do Comité de Empresa do Concello de Vigo mantiveron este martes un encontro no que se trataron distintos temas, como a seguridade do edificio municipal ou a situación dos funcionarios. O alcalde mostrouse "extraordinariamente satisfeito" da reunión cun Comité "moi dialogante e cooperador" e adiantou que as xuntanzas se repetirán cada seis meses.