O servizo de teleasistencia domiciliaria é unha iniciativa na que colaboran varias institucións, entre elas o Concello de Vigo, para axudar a persoas maiores e/ou descapacitadas que padecen situacións de soidade e desarraigo. No noso municipio, este servizo presta atención a máis de 300 usuarios.
O próximo sábado 21 de maio, grazas ao apoio da Concellaría de Festas e de diversas entidades de Vigo, volverase celebrar a Batalla das Flores. Cunha achega municipal duns 75.000 euros, o festexo encherá de pétalos, confeti, serpentinas e música o centro da cidade.
Con motivo do Día Internacional dos Museos, o Arquivo Pacheco celebrará unha xornada de portas abertas na que se poderán visitar lugares aos que habitualmente non se pode acceder. Outros museos, como a Fundación Laxeiro e o Museo Quiñones de León terán tamén actividades especiais nesta xornada.
A conferencia inaugural do ciclo "Polos mares de Galicia", que o xoves 19 de maio será impartida polo profesor da Universidade de Vigo Emilio Fernández, versará sobre o mar como orixe da vida, fonte de recursos, e sobre todo, como un ecosistema enormemente rico en biodiversidade.
As participantes do proxecto Alicerce na segunda edición do curso de "Animación en terceira idade e discapacidade", comenzarán este mes as 40 horas de prácticas profesionais. O obxectivo destas prácticas e o contacto laboral co sector no que se pretenden insertar, así como fomentar pautas de traballo necesarias para unha boa execución laboral.
Unha informadora turística da Concellería de Turismo estivo a pe de barco informando aos cruceiristas dos distintos recursos turísticos de que dispón Vigo, realizando máis de 75 consultas persoais; tamén se lle ofreceu aos turistas que viaxaban a bordo dos distintos cruceiros a posibilidade de viaxar no bus turístico, que recolleu aos cruceiristas no propio peirao.