O pavillón central das Travesas acolle a VIII Festa Día do Patín
Mil seiscentos cincuenta nenos e nenas e 54 entidades deportivas, educativas e asociativas participarán na VIII Festa Día do Patín, que se desenvolverá no pavillón central das Travesas. O acto de clausura contará coa presenza da concelleira de Deportes, Lucía Molares.
O martes 17 de maio celébrase no pavillón central das Travesas a VIII Festa Día do Patín, na que participarán 1.650 nenos e nenas de Vigo e da súa área de influencia e 54 entidades deportivas, educativas e asociativas. Nesta festa os patinadores amosarán o aprendido ao longo de todo o ano nas súas clases.
A actividade terá lugar de 10:00 a 13:30 horas. Farase un descanso para o xantar, que terá lugar no parque de Castrelos, e o evento retomarase ás 16:00 e continuará ata as 20:00 horas. Ademais da patinaxe, desenvolveranse actividades lúdicas e xogos populares durante a mañá da xornada nas instalacións anexas.
O acto de clausura, realizarase co desfile de todos os participantes, a entrega de diplomas de participación e un agasallo para todos os nenos e nenas, e contará coa presenza da concelleira de Deportes, Lucia Molares Pérez.
A actividade terá lugar de 10:00 a 13:30 horas. Farase un descanso para o xantar, que terá lugar no parque de Castrelos, e o evento retomarase ás 16:00 e continuará ata as 20:00 horas. Ademais da patinaxe, desenvolveranse actividades lúdicas e xogos populares durante a mañá da xornada nas instalacións anexas.
O acto de clausura, realizarase co desfile de todos os participantes, a entrega de diplomas de participación e un agasallo para todos os nenos e nenas, e contará coa presenza da concelleira de Deportes, Lucia Molares Pérez.