A Xunta de Goberno Local deu luz verde este venres ao proxecto de implantación dun elevador que unirá ambas vías á altura da igrexa de Santa Cura de Ars, salvando unha pendente vertical de dez metros. A obra presenta un orzamento de 721.000 euros e sete meses de praza do execución.
A Xunta de Goberno Local valida esta semana a apertura da consulta pública, previo á elaboración da ordenanza que regule estes espazos. Abel Caballero avanzou este martes que podería haber varios en Vigo e que o obxectivo é mellorar a calidade do aire reducindo os ruídos e as emisións de gases de efecto invernadoiro.
Vigo amplía as accións en materia de transparencia e integridade na contratación pública e, segundo trasladou este xoves o alcalde, vén de publicar o Plan de Contratación Anual de 2022, crea un mapa de riscos e unha canle de alertas para que, incluso de forma anónima, se presenten suxestións, avisos ou denuncias. As medidas forman parte do premiado Plan de Integridade na Contratación Pública do Concello, aprobado hai tres anos.
A Xunta de Goberno Local validou os pregos e abre o concurso público para optar a executar a obra, un novo parque para Bombeiros que se erixirá nunha parcela municipal da rúa Esturáns, próximo a Tomás Alonso e a Avenida de Beiramar. O alcalde recordou este martes que o seu goberno tamén remodelara por completo o de Teis, adicando ao efecto 1,36 millóns.
O goberno de Vigo aprobou o pasado xoves o proxecto de ordenanza do uso dos vehículos de mobilidade persoal na cidade, que terá que pasar polo Pleno antes da súa entrada en vigor. Polo volume de tráfico, o Concello propón que non se use nos carrís centrais da Avenida de Madrid e nas avenidas de Castelao, Europa, Beiramar, Clara Campoamor, Citroën e Arquitecto Palacios. En zonas como o Casco Vello ou Bouzas, non poderán superar os 10 quilómetros por hora.
O goberno de Vigo licita o contrato por dez anos e un orzamento de case 422 millóns de euros. O Concello busca que no 2025 a reciclaxe sexa o 50% do residuo total (actualmente supón o 14%) e, para conseguilo, ampliará e renovará os contedores e cambiará a flota de vehículos. Abel Caballero garantiu o mantemento do emprego, que oscila entre os 630 e os 770 traballadores.
Aprobado este xoves, o goberno vigués licita o subministro de enerxía ás instalacións municipais para un ano, por importe de 6,5 millóns de euros. Como novidade, segundo puxo en valor o alcalde, a esixencia de que a electricidade proceda de fontes 100% renovables.
O alcalde explicou que nesta fase son 133.307 páxinas de distintas series dos antigos concellos de Bouzas e Lavadores e os fondos completos do Marquesado de Valadares e o Marquesado de Mos e Valadares.
A Xunta de Goberno Local vén de aprobar a resolución da convocatoria de axudas para deportistas de alto nivel de Vigo co obxectivo de contribuír ao “exercicio da súa excelencia deportiva”.
O goberno de Vigo aprobou este xoves o proxecto para adaptar o baixo do edificio municipal do Camiño do Chouzo, cun orzamento de 627.000 euros. O alcalde solicitou que sexa financiada cos fondos europeos que o Goberno de España transfire á Xunta e recibiu o beneplácito da ministra de Educación, segundo afirmou.