xoves, 24 feb 2005
O Consello da Xerencia de Urbanismo propúxolle ao Pleno do Concello a declaración da nulidade do acordo plenario de 27 de novembro de 1992 sobre a cesión para vial de circunvalación concluído con "Miraflores Vigo, S.A.". Tamén se aprobou, entre outras medidas, levar á Xunta de Goberno Local a decisión de constituír a Xunta de Compensación do Plan Parcial Gandariña 2.
mércores, 23 feb 2005
O Consello da Xerencia Municipal de Urbanismo reúnese mañá xoves 24 de febreiro para tratar, entre outros, a aprobación definitiva do proxecto de urbanización da U.A. Carrasqueira ou a recepción parcial das obras de urbanización da U.A. Ramón Nieto.
mércores, 16 feb 2005
A alcaldesa, Corina Porro, visitou a Escola de Artes e Oficios para abrir a exposición ao público do Plan Xeral de Ordenación Municipal (PXOM). A exposición, que finalizará o 16 de abril, informará os cidadáns a través de maquetas, planos e diversa documentación gráfica e escrita, ofrecéndolles ao mesmo tempo a posibilidade de aclarar calquera dúbida de maneira personalizada.
luns, 14 feb 2005
O Consello da Xerencia Municipal de Urbanismo propuxo á Xunta de Goberno Local a adopción dun acordo de compensación e outro de urbanización da Unidade de Execución Rosalía de Castro 2. Tamén foi proposta a aprobación do proxecto de acondicionamento das rúas Antonio de Nebrija e Tomás Alonso. Na mesma sesión deuse conta de 134 expedientes de licenzas de actividades e instalacións para a súa resolución pola vicepresidencia da Xerencia.
xoves, 3 feb 2005
O Consello da Xerencia Municipal de Urbanismo aprobou onte a modificación do Plan Xeral de Ordenación Urbanística no relativo á ordenación de viais na zona do Meixoeiro-Bembrive e accesos ao Hospital do Meixoeiro, para garantir os mínimos de funcionalidade e accesibilidade necesarios e imprescindibles.
mércores, 2 feb 2005
A reunión ordinaria do Consello da Xerencia Municipal de Urbanismo tratará, entre outros temas, a aprobación provisional da modificación do PXOM relativa á ordenación de viais na zona do Meixoeiro-Bembrive e accesos ao Hospital Meixoeiro.
xoves, 27 xan 2005
O xerente de Urbanismo do Concello de Vigo, Xavier Rivas, e Daniel Pino, coordinador xeral do equipo redactor do Plan Xeral de Ordenación Urbanística (PXOM), presentaron esta mañá o DVD informativo sobre o PXOM, para que os cidadáns "elaboren o seu propio criterio" sobre el.
xoves, 27 xan 2005
Convócase o Consello da Xerencia Municipal de Urbanismo para sesión extraordinaria na sala de reunións da sede da Xerencia, o día 28 de xaneiro de 2005, ás 8,30 horas en primeira convocatoria, e media hora máis tarde en segunda, para tratar os asuntos da referida relación.
