O alcalde anunciou que está constituída a Comisión bilateral técnica entre o Concello e o Goberno de España para a humanización da AP-9 no tramo de entrada na cidade: “Tódolos acordos que tomo coa ministra de Transportes chegan a bo fin”, declarou en rolda de prensa.
Abel Caballero asistiu este luns no acto de entrega deste recoñecemento ao centro comercial que acadou o máximo nivel de excelencia en accesibilidade ao integrar itinerarios accesibles exteriores e interiores. “A accesibilidade é un dereito irrenunciable da cidadanía e Vialia é a accesibilidade total”, sinalou o rexedor. No acto participaron Esther Bienes, directora da Fundación ARS, creadora do Certificado AIS (Sistema Indicador de Accesibilidade); Teresa Verdugo, directora xeral de Nhood España, empresa xestora de Vialia; a concelleira de Urbanismo, María Xosé Caride, e Juan Louro, director do centro comercial.
A Xerencia de Urbanismo deu luz verde á memoria xustificativa da contratación do servizo de redacción do Plan Especial de Protección do Ensanche Histórico de Vigo e a vindeira semana recibirán luz verde os pregos da redacción do instrumento.
O Concello construirá 27 vivendas de protección en réxime de alugueiro en Esturáns. Trátase dun edificio de 9 plantas, con 39 prazas de aparcamento e trasteiros.
O alcalde informou este martes da adquisición directa de dúas naves existentes nunha parcela que linda co campo do Coruxo. Amais, a Xerencia de Urbanismo aprobou a licenza de obra para a rehabilitación dun edificio na rúa do Príncipe.
O alcalde deu conta esta mañá dos avances na tramitación da futura biblioteca de Teis, que será construída na parcela na que se sitúa a antiga sede da Seguridade Social e cun deseño “espectacular”.
O alcalde deu conta esta mañá da resolución xudicial que avala a orde que o Concello trasladou á Sareb en 2017 para que se fixera cargo das obras de reparación de Privada Moderna. Neste punto, instou á entidade a acelerar estas actuacións neste inmoble, situado no Calvario.
Abel Caballero sinalou que vai “enviarlle de novo á Consellería de Educación o convenio para garantir a construción do instituto de Navia”. Recordou que xa en febreiro de 2020 enviou unha primeira misiva o presidente da Xunta polo mesmo motivo, reiterada en maio do ano pasado.
O alcalde informou este venres en rolda de prensa do inicio do expediente de venda con poxa pública de dúas parcelas do Patrimonio Municipal do Chan: unha en Quirós e outra en Vázquez Varela.
O edil de Facenda, Jaime Aneiros, deu conta da liquidación do orzamento do ano 2022: “Seguimos transformando a cidade, é distinta que fai 15 anos e será distinta dentro de 4 ou 8”, sinalou. A Corporación Municipal gardou un minuto de silencio polo falecemento de Ceferino de Blas, cronista da cidade.